Nara Lokesh : వైసీపీ దాడిలో మరణించిన టీడీపీ కార్యకర్త కన్నీటి నివాళులు: నారా లోకేశ్ చిత్తూరు జిల్లాలో టీడీపీ కార్యకర్త రామకృష్ణ మృతి చెందడం రాజకీయంగా తీవ్ర దుమారం రేపుతోంది. ఈ ఘటనపై ఆంధ్రప్రదేశ్ మంత్రి, టీడీపీ జాతీయ ప్రధాన కార్యదర్శి నారా లోకేశ్ తీవ్ర దిగ్భ్రాంతి వ్యక్తం చేశారు.రాక్షస మూకల దాడిలో ప్రాణం కోల్పోయిన రామకృష్ణకు కన్నీటి నివాళులు అర్పిస్తున్నాను అంటూ లోకేశ్ సోషల్ మీడియాలో స్పందించారు. ఈ దాడిలో గాయపడిన రామకృష్ణ కుమారుడు సురేష్కు మెరుగైన వైద్యం అందేలా చర్యలు తీసుకున్నాను అని తెలిపారు.
వైసీపీపై లోకేశ్ తీవ్ర విమర్శలు
ఈ ఘటనపై లోకేశ్ వైసీపీ పాలన, హత్యా రాజకీయాలపై తీవ్రస్థాయిలో విమర్శలు చేశారు. శవం దగ్గర పుట్టి, మరో మృతదేహంతో అధికారంలోకి వచ్చిన జగన్ మోహన్ రెడ్డిని ప్రజలు ఛీకొట్టారు. అయినా హత్యా రాజకీయాలు మానడం లేదు. నిందితులను కఠినంగా శిక్షిస్తాం.వైసీపీ రక్తచరిత్ర వల్ల టీడీపీకి మరో త్యాగి కోల్పోవడం బాధాకరం. వారి కుటుంబానికి అండగా ఉంటాం.
రామకృష్ణ కుటుంబానికి టీడీపీ అండ
టీడీపీ శ్రేణులు రామకృష్ణ కుటుంబానికి పూర్తి మద్దతు ఇస్తున్నాయి. ప్రజాస్వామ్యంలో ఇటువంటి హత్యా రాజకీయాలు న్యాయమా అని టీడీపీ కార్యకర్తలు నిలదీస్తున్నారు. ఈ ఘటన రాష్ట్రంలో రాజకీయ ఉత్కంఠ పెంచిందని విశ్లేషకులు చెబుతున్నారు. మరి, దీనిపై ప్రభుత్వం ఎలా స్పందిస్తుందో చూడాలి!
