వైఎస్సార్ కాంగ్రెస్ పార్టీ (వైఎస్సార్సీపీ) ఎంపీ పీవీ మిథున్ రెడ్డి (Mithun Reddy) కి లిక్కర్ స్కాం కేసులో తాజా మలుపు తిరిగింది. ఆయనను ప్రత్యేక దర్యాప్తు బృందం (SIT) అరెస్టు చేసి, విజయవాడలోని ఏసీబీ కోర్టులో హాజరుపరిచింది.
కోర్టులో ఇరు పక్షాల వాదనలు
అరెస్టు అనంతరం, కేసుకు సంబంధించి విదేశీ మద్యం సప్లైలో అక్రమ లావాదేవీలు, లాభాలను కుంభకోణం చేయడం వంటి అంశాలపై కోర్టులో న్యాయవాదుల మధ్య తీవ్రమైన వాదనలు చోటుచేసుకున్నాయి. ప్రభుత్వ న్యాయవాది మిథున్ రెడ్డి (Mithun Reddy) పాత్రను వివరించగా, తరఫు న్యాయవాది మాత్రం అరెస్ట్ చట్ట విరుద్ధమని పేర్కొన్నారు.
కోర్టు తీర్పు: 14 రోజుల రిమాండ్
వాదనలు విన్న విజయవాడ ACB కోర్టు (Vijayawada ACB Court) మూడో అదనపు జిల్లా సెషన్స్ జడ్జి, మిథున్ రెడ్డి పై ఆగస్టు 1 వరకు రిమాండ్ విధిస్తూ ఉత్తర్వులు జారీ చేశారు. దాంతో ఆయనను రాజమండ్రి సెంట్రల్ జైలుకు తరలించే ఏర్పాట్లు చేపట్టారు.
ఈ అరెస్ట్ రాష్ట్ర రాజకీయాల్లో కలకలం రేపింది. ఇప్పటికే అనేక కేసుల్లో వైఎస్సార్సీపీ నేతలపై విచారణలు కొనసాగుతుండగా, మిథున్ రెడ్డి అరెస్ట్ మరింత తీవ్రతను తేవొచ్చని విశ్లేషకులు భావిస్తున్నారు. పార్టీ వర్గాలు మాత్రం ఇది రాజకీయ వేధింపుల భాగమని ఆరోపిస్తున్నాయి .
Read hindi news: hindi.vaartha.com
Read also: Andhra Pradesh: ఇళ్ల స్థలాల కోసం ఆన్లైన్ దరఖాస్తులు ప్రారంభం!
