కర్నూలు జిల్లా (Kurnool District) లో దారుణం చోటుచేసుకుంది. ప్రభుత్వ ఉద్యోగం కోసం (For a government job) ఒక కొడుకు తండ్రినే హతమార్చాడు. కారుణ్య నియామకం కింద ఉద్యోగం వస్తుందని ఆశతో అతడు ఈ కిరాతకానికి ఒడిగట్టాడు. కోడుమూరు మండలం పులకుర్తి గ్రామంలో జరిగిన ఈ ఘటన స్థానికులను షాక్కు గురిచేసింది.మృతుడు రామాచారి కొడుకు వీరసాయి డిగ్రీ పూర్తిచేశాడు. ఉద్యోగం కోసం కర్నూలులోని ఓ ఫార్మసీ దుకాణంలో పనిచేస్తున్నాడు. అయితే, ప్రభుత్వ ఉద్యోగం చేయాలనే కోరిక మాత్రం అతనిలో బలంగా ఉండేది. కొన్నాళ్ల క్రితం రామాచారితో కలిసి పనిచేసే ఓ డ్రైవర్ గుండెపోటుతో చనిపోగా, అతని కుమారుడికి కారుణ్య నియామకం కింద ఉద్యోగం వచ్చిందని గ్రామస్థులు చెబుతున్నారు. ఆ సంఘటన వీరసాయి మనసులో దురాలోచనలకు కారణమైంది. తండ్రి చనిపోతే తనకూ ఉద్యోగం వస్తుందని అతడు అనుకున్నాడు.
కుట్రకు సన్నాహాలు
ఈ యోచనతో వీరసాయి సరైన సమయాన్ని వెతికాడు. నెల రోజుల క్రితం అతని భార్య సుప్రియ రెండో ప్రసవం కోసం పుట్టింటికి వెళ్లింది. అదే సమయంలో తల్లి విరూపాక్షమ్మ కూడా తన పుట్టింటికి వెళ్లారు. దీంతో ఇంట్లో తండ్రీకొడుకులు మాత్రమే మిగిలారు. ఈ పరిస్థితినే అతను తన దురుద్దేశానికి వాడుకున్నాడు.మంగళవారం రాత్రి తండ్రి రామాచారి, కొడుకు వీరసాయి కలిసి భోజనం చేశారు. ఇద్దరూ నిద్రకు ఉపక్రమించారు. బుధవారం తెల్లవారుజామున గాఢనిద్రలో ఉన్న తండ్రిపై వీరసాయి దాడి చేశాడు. ఇంట్లో ఉన్న రోకలిబండను తీసుకుని రామాచారి తల, నుదుటిపై విచక్షణారహితంగా కొట్టాడు. తండ్రి అక్కడికక్కడే మృతి చెందాడు.
గ్రామంలో కలకలం
ఈ ఘటన బయటపడగానే గ్రామంలో కలకలం రేగింది. స్థానికులు వెంటనే పోలీసులకు సమాచారం అందించారు. ఘటనా స్థలానికి చేరుకున్న పోలీసులు నిందితుడు వీరసాయిని అదుపులోకి తీసుకున్నారు. ప్రస్తుతం అతనిపై విచారణ కొనసాగుతోంది.ప్రభుత్వ ఉద్యోగంపై ఆశతో తండ్రినే హతమార్చడం గ్రామస్థుల్ని తీవ్రంగా కలచివేసింది. ఉద్యోగం కోసం దారుణానికి దిగడం పట్ల అందరూ విస్మయం వ్యక్తం చేస్తున్నారు. ఈ సంఘటన జిల్లాలో తీవ్ర చర్చనీయాంశంగా మారింది.
Read Also :
