ఆంధ్రప్రదేశ్లోని ఎస్సీ నిరుద్యోగ యువత (SC unemployed youth)కు ప్రభుత్వం మంచి అవకాశాన్ని అందిస్తోంది. నర్సింగ్ లేదా జీఎన్ఎం పూర్తి చేసిన యువతకు జర్మన్ భాషలో ఉచిత శిక్షణ కల్పించనున్నట్టు సాంఘిక సంక్షేమ శాఖ మంత్రి డోలా శ్రీ బాల వీరాంజనేయస్వామి (Dola Sri Bala Veeranjaneya Swamy) తెలిపారు.ఈ శిక్షణ రాష్ట్ర ఎస్సీ కార్పొరేషన్ ఆధ్వర్యంలో ఇవ్వనున్నారు. మొదటి దశలో 150 మందికి ప్రత్యేక శిక్షణ ప్రారంభమవుతుంది. అనంతరం వారికి జర్మనీలో ఉద్యోగాలు, ఉపాధి అవకాశాలు కల్పించనున్నట్టు మంత్రి స్పష్టం చేశారు.
ఎస్సీ యువతను వెనుకకు వదలమన్న చంద్రబాబు దృక్పథం
ఎస్సీలలో విద్యావంతులైన ఒక్కరైనా నిరుద్యోగిగా ఉండకూడదన్నదే ముఖ్యమంత్రి చంద్రబాబు లక్ష్యం అని మంత్రి వివరించారు. ఎస్సీ విద్యార్థులు, యువతకు ఉపాధి అవకాశాలు, విదేశీ దారులు చూపేందుకు ప్రభుత్వం కృషి చేస్తుందని అన్నారు.నర్సింగ్ చదివిన ఎంతో మంది యువతకు రాజకీయంగా కాదు, ఉద్యోగం రూపంలో మార్గదర్శకం కావడమే లక్ష్యంగా ఈ శిక్షణ ప్రణాళిక రూపుదిద్దుకుంది. విదేశీ భాషపై పట్టుతో, యువతకు నూతన అవకాశాలు తలుపుతీయనున్నాయి.
విదేశాల్లో పనిచేసే స్థాయికి తగిన శిక్షణ
జర్మన్ భాషలో శిక్షణతో పాటు, అక్కడి వృత్తి ప్రమాణాలకు తగ్గ స్కిల్స్ నేర్పించనున్నట్లు అధికారులు తెలిపారు. యువతకు సర్టిఫికెట్తో పాటు, ప్లేస్మెంట్ కూడా కల్పించేలా చర్యలు తీసుకుంటున్నట్టు సమాచారం.మొదటి విడత విజయవంతమైతే, వచ్చే దశల్లో మరింత మంది ఎస్సీ యువతకు ఇదే తరహాలో శిక్షణ ఇచ్చే యోచనలో ఉంది ప్రభుత్వం. ఈ కార్యక్రమం ద్వారా ఎస్సీ యువతలో నూతన ఆశలు చిగురించనున్నాయి.
Read Also : Myanmar : మయన్మార్ లో వైమానిక దాడిలో 23 మంది మృతి
