ఆంధ్రప్రదేశ్ రాష్ట్ర అభివృద్ధి చరిత్రలో మరో మైలురాయి రాయడానికి సిద్ధమైంది. విశాఖపట్నంలో ఏర్పాటు కానున్న 1 గిగావాట్ హైపర్ స్కేల్ డేటా సెంటర్ ప్రాజెక్టుకు సంబంధించి ప్రభుత్వం నేడు గూగుల్ అనుబంధ సంస్థ రైడెన్ ఇన్ఫోటెక్ (Raiden Infotech) తో కీలక అవగాహన ఒప్పందం (MoU) కుదుర్చుకోనుంది. ఈ ప్రాజెక్టు విలువ రూ.88,628 కోట్లు (సుమారు 10 బిలియన్ అమెరికన్ డాలర్లు)గా ఉండగా, ఇది భారతదేశ చరిత్రలోనే అతిపెద్ద విదేశీ ప్రత్యక్ష పెట్టుబడిగా (FDI) నిలవనుంది. ఢిల్లీలో ఉదయం 10 గంటలకు ముఖ్యమంత్రి నారా చంద్రబాబు నాయుడు, కేంద్ర మంత్రులు అశ్వినీ వైష్ణవ్, నిర్మలా సీతారామన్, రాష్ట్ర మంత్రి నారా లోకేశ్ సమక్షంలో ఈ ఒప్పందంపై సంతకాలు జరగనున్నాయి.
Breaking News – Totapuri Mango : తోతాపురి మామిడి రైతులకు గుడ్ న్యూస్
విశాఖపట్నం భౌగోళికంగా, సాంకేతికంగా, వాతావరణపరంగా డేటా సెంటర్ ఏర్పాటుకు అనుకూల ప్రాంతంగా గుర్తించబడింది. ఈ హైపర్ స్కేల్ డేటా సెంటర్ ప్రాజెక్టు అమలు పూర్తి స్థాయిలో జరిగితే, రాష్ట్రానికి మాత్రమే కాకుండా దేశానికి కూడా ఐటీ మౌలిక సదుపాయాల పరంగా గొప్ప పురోగతిని తీసుకురానుంది. 1 గిగావాట్ సామర్థ్యం కలిగిన ఈ డేటా సెంటర్ ద్వారా దేశీయ, అంతర్జాతీయ కంపెనీలకు క్లౌడ్ సేవలు, ఆర్టిఫిషియల్ ఇంటెలిజెన్స్ ప్రాసెసింగ్, డిజిటల్ ఇన్నోవేషన్లకు అవసరమైన మౌలిక సదుపాయాలు లభిస్తాయి. ఈ ప్రాజెక్టు వల్ల నేరుగా మరియు పరోక్షంగా వేలాది ఉద్యోగాలు సృష్టించబడతాయి.
ముఖ్యమంత్రి చంద్రబాబు నాయుడు ఈ పెట్టుబడిని “ఆంధ్రప్రదేశ్ను టెక్ హబ్గా మార్చే తొలి అడుగు”గా అభివర్ణించారు. ఆయన పదవీ కాలంలోనే రాష్ట్రం ‘డిజిటల్ ఎకానమీ’ దిశగా ముందడుగు వేస్తోందని పేర్కొన్నారు. కేంద్ర ప్రభుత్వం సహకారంతో అమలు కానున్న ఈ ప్రాజెక్టు ద్వారా విశాఖ ప్రపంచస్థాయి ఐటీ డెస్టినేషన్గా అవతరించే అవకాశం ఉంది. అదే సమయంలో రాష్ట్రానికి భారీ ఆదాయ వనరులు, పెట్టుబడుల వాతావరణంలో విశ్వసనీయత, మరియు అంతర్జాతీయ సంస్థల ఆకర్షణ పెరగనుంది. మొత్తంగా ఈ ఒప్పందం ఆంధ్రప్రదేశ్ను “భారత డిజిటల్ భవిష్యత్తు”లో కీలక భాగస్వామిగా నిలబెట్టే చారిత్రాత్మక ఘట్టంగా మారనుంది.
Read hindi news: https://hindi.vaartha.com
Epaper : https://epaper.vaartha.com/
