Crime: వెరుశెనగ గింజ గొంతులో ఇరుక్కుని ఊపిరాడకుండా

శ్రీసత్యసాయి జిల్లా పెనుకొండ నగరపంచాయతీ (Penukonda Nagar Panchayat) పరిధిలోని వెంకటరెడ్డిపల్లికి చెందిన నాగరాజు, జ్యోతి దంపతులకు ఇద్దరు కుమారులు ఉన్నారు.వరమహాలక్ష్మి పండుగ రోజున జరిగిన ఓ విషాద ఘటన ఒక కుటుంబాన్ని కుదిపేసింది. ఆ కుటుంబం ఎంతో భక్తి, శ్రద్ధలతో వరలక్ష్మి వ్రతానికి ఏర్పాట్లు చేసింది. పండుగ రోజు ఉదయం నుంచే ఇంటిలో హర్షం, ఆనందం నిండిపోయింది. బంధువులు, పొరుగువారు పండుగ వాతావరణంలో చేరి సంతోషంగా గడుపుతున్నారు. వ్రతానికి కావాల్సిన పిండివంటలు, నైవేద్యాలు తయారు చేయడంలో మహిళలు, పెద్దలు బిజీ గా ఉన్నారు. పిల్లలు ఆడుకుంటూ పండుగ ఆనందాన్ని ఆస్వాదిస్తున్నారు.ఈ క్రమంలో, వంటింట్లో పిండి వంటలు తయారు అవుతున్నప్పుడు, ఒక రేండేళ్ల చిన్నారి ఆటల మధ్య వెరుశెనగ గింజ (Peanut) తీసుకొని నోటిలో వేసుకున్నాడు.

చిన్నారి ముఖం మారిపోతుండటంతో ఆందోళనకు గురై

ఆ చిన్నారి తెలియక గింజను మింగబోయే ప్రయత్నంలో అది గొంతులో ఇరుక్కుపోయింది. ఆ గింజ గొంతు లోపల బిగుసుకుపోవడంతో బాలుడు శ్వాస తీసుకోవడంలో ఇబ్బంది పడ్డా డు. మొదట్లో కుటుంబ సభ్యులు ఏమైందో గ్రహించలేకపోయారు. చిన్నారి ముఖం మారిపోతుండటంతో ఆందోళనకు గురై అతన్ని వెంటనే బయటకు తీసుకువచ్చారు.దీంతో కుటుంబసభ్యులు బిట్టును హుటాహుటిన పెనుకొండ ప్రభుత్వ వైద్యశాలకు తరలించారు.బిట్టును పరీక్షించిన వైద్యులు అప్పటికే మృతి చెందినట్లు నిర్ధారించారు. పండగ వేళ కుమారుడి మృతితో ఆ కుటుంబం శోకసంద్రంలో మునిగిపోయింది.