ఆంధ్రప్రదేశ్ రాష్ట్రం విమానయాన రంగంలో శరవేగంగా దూసుకుపోతోంది. పారిశ్రామికాభివృద్ధి, పర్యాటక రంగాల బలోపేతమే లక్ష్యంగా ప్రభుత్వం రాష్ట్రవ్యాప్తంగా విమానాశ్రయాల నెట్వర్క్ను విస్తరిస్తోంది. ప్రస్తుతం రాష్ట్రంలో విశాఖపట్నం, విజయవాడ, తిరుపతి వంటి ప్రధాన నగరాల్లో అంతర్జాతీయ విమానాశ్రయాలు సేవలు అందిస్తుండగా, రాజమండ్రి, కర్నూలు, కడప, పుట్టపర్తి ప్రాంతాల్లో డొమెస్టిక్ (దేశీయ) విమానాశ్రయాలు అందుబాటులో ఉన్నాయి. గన్నవరం (విజయవాడ) విమానాశ్రయాన్ని ఇటీవల ఆధునీకరించి, ప్రయాణికుల సామర్థ్యాన్ని పెంచారు. కనెక్టివిటీ పెరగడం వల్ల రాష్ట్రానికి పెట్టుబడులు వచ్చే అవకాశం మెరుగైంది.
KTR :కుటుంబంలో భేదాభిప్రాయాలు సహజమే!
రాష్ట్రంలోని పాత విమానాశ్రయాల ఆధునీకరణతో పాటు కొత్తగా నిర్మిస్తున్న ఎయిర్పోర్టులపై ప్రభుత్వం ప్రత్యేక దృష్టి సారించింది. రాజమండ్రి విమానాశ్రయంలో విస్తరణ పనులు వేగంగా జరుగుతుండగా, ఉత్తరాంధ్ర ప్రజల చిరకాల స్వప్నమైన భోగాపురం అంతర్జాతీయ విమానాశ్రయ నిర్మాణం దాదాపు పూర్తి కావొచ్చింది. ఇది అందుబాటులోకి వస్తే విశాఖపట్నం ప్రాంతం ఒక గ్లోబల్ ట్రాన్స్పోర్ట్ హబ్గా మారుతుంది. పారిశ్రామిక అవసరాలకు అనుగుణంగా రన్వేల పొడిగింపు, కార్గో సేవలు మరియు అత్యాధునిక టెర్మినల్ భవనాల నిర్మాణానికి ప్రాధాన్యత ఇస్తున్నారు.
రవాణా సౌకర్యాలను మారుమూల ప్రాంతాలకు సైతం విస్తరించే ప్రణాళికలో భాగంగా కుప్పం, దొనకొండ (ప్రకాశం జిల్లా), దగదర్తి (నెల్లూరు జిల్లా) లలో కొత్త విమానాశ్రయాల ఏర్పాటుకు ప్రభుత్వం రంగం సిద్ధం చేస్తోంది. కుప్పంలో ఎయిర్పోర్ట్ రావడం వల్ల చిత్తూరు జిల్లా పారిశ్రామికంగా మరింత అభివృద్ధి చెందుతుంది. అలాగే, దొనకొండలో ఉన్న పాత ఎయిర్స్ట్రిప్ను పునరుద్ధరించడం ద్వారా ప్రకాశం జిల్లాలో రవాణా వ్యవస్థ మెరుగుపడుతుంది. నెల్లూరు జిల్లాలోని దగదర్తిలో విమానాశ్రయం ఏర్పాటు ద్వారా కృష్ణపట్నం పోర్టుకు మరియు పారిశ్రామిక కారిడార్లకు ఎంతో మేలు జరుగుతుంది. ఈ ప్రాజెక్టులన్నీ పూర్తయితే, ఏపీలో ప్రతి ముఖ్యమైన జిల్లా కేంద్రానికి విమాన ప్రయాణం సులభతరం కానుంది.
Read hindi news: hindi.vaartha.com
Epaper : epaper.vaartha.com
