News Telugu: ఆంధ్రప్రదేశ్లో గణేష్ నిమజ్జన కార్యక్రమాల్లో జరిగిన అనుకోని ప్రమాదాలు రాష్ట్రాన్ని కుదిపేశాయి. ఈ ఘటనలపై ముఖ్యమంత్రి నారా చంద్రబాబు నాయుడు తీవ్ర విచారం వ్యక్తం చేశారు. పండుగ సందడిలో పాల్గొన్న భక్తులు ప్రాణాలు కోల్పోవడం పట్ల ఆయన గాఢమైన సానుభూతి తెలిపారు. మృతుల కుటుంబాలకు ధైర్యం అందిస్తూ, గాయపడిన వారికి అత్యుత్తమ వైద్యం అందించాలంటూ సంబంధిత అధికారులను ఆదేశించారు.
తూర్పుతాళ్లలో ట్రాక్టర్ ప్రమాదం – నలుగురు మృతి
పశ్చిమ గోదావరి జిల్లా తూర్పుతాళ్ల గ్రామంలో గణేష్ నిమజ్జన (Ganesh immersion) ఊరేగింపు సందర్భంగా ఘోర ప్రమాదం జరిగింది. విగ్రహాన్ని మోసుకెళ్తున్న ట్రాక్టర్ అకస్మాత్తుగా అదుపుతప్పి జనసంద్రమైన ప్రదేశంలోకి దూసుకెళ్లింది. ఈ ప్రమాదంలో నలుగురు భక్తులు ప్రాణాలు కోల్పోయారు. మరికొంత మంది తీవ్రంగా గాయపడగా, వెంటనే స్థానిక ఆసుపత్రికి తరలించి చికిత్స అందిస్తున్నారు. ఈ ఘటన అక్కడి వాతావరణాన్ని శోకసంద్రంగా మార్చింది.
అల్లూరిలో మరో విషాదం – ఇద్దరు మరణం
అల్లూరి సీతారామరాజు జిల్లా పాడేరు మండలం చింతలవీధి జంక్షన్లో కూడా ఓ వినాయక నిమజ్జన ఊరేగింపు సమయంలో మరొక విషాద ఘటన చోటుచేసుకుంది. ఇక్కడ జరిగిన ప్రమాదంలో ఇద్దరు భక్తులు ప్రాణాలు కోల్పోగా(Two devotees lost their live), ఆరుగురు తీవ్రంగా గాయపడ్డారు. వీరు ప్రస్తుతం చికిత్స పొందుతున్నారు. ఈ ఘటనపై సీఎం ప్రత్యేక దృష్టి సారించి, బాధితులకు మెరుగైన వైద్యం అందించాలంటూ సూచించారు.
బాధ్యతలపై సీఎం కఠినంగా
ఈ ప్రమాదాలకు దారితీసిన కారణాలపై సీఎం చంద్రబాబు ఆగ్రహం వ్యక్తం చేశారు. వేడుకలలో నిర్లక్ష్యంగా వ్యవహరించిన వ్యక్తులపై కఠిన చర్యలు తీసుకోవాలని అధికారులను ఆదేశించారు. భవిష్యత్తులో ఇలాంటి ప్రమాదాలు పునరావృతం కాకుండా పటిష్ఠమైన చర్యలు తీసుకోవాలని స్పష్టం చేశారు.
read hindi news: hindi.vaartha.com
Read also:
