మాజీ ముఖ్యమంత్రి, వైఎస్ ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డి ఈరోజు తుఫాను ప్రభావిత ప్రాంతాల పర్యటనకు వెళ్లనున్నారు. గత కొన్ని రోజులుగా ఆంధ్రప్రదేశ్లో తుఫాను కారణంగా అనేక జిల్లాల్లో వ్యవసాయ పంటలు తీవ్ర నష్టాన్ని చవిచూశాయి. ముఖ్యంగా కృష్ణా, గుంటూరు, బాపట్ల, తూర్పు గోదావరి జిల్లాల్లో వర్షాలు, గాలివానలు రైతులను కష్టాల్లోకి నెట్టాయి. ఈ నేపథ్యంలో, రైతుల పరిస్థితిని ప్రత్యక్షంగా తెలుసుకోవాలనే ఉద్దేశంతో జగన్ ఉదయం 9.30 గంటలకు తాడేపల్లి నివాసం నుంచి బయల్దేరుతారు. ఆయన పెనమలూరు సెంటర్, ఉయ్యూరు మీదుగా కృష్ణా జిల్లాలోని పెడన నియోజకవర్గం గూడూరుకు చేరుకుంటారు.
Today Rasi Phalalu : రాశి ఫలాలు – 04 నవంబర్ 2025 Horoscope in Telugu
గూడూరులో తుఫాను కారణంగా భారీగా నష్టపోయిన పంటల పరిస్థితిని జగన్ స్వయంగా పరిశీలించనున్నారు. వరి, మిర్చి, పత్తి పంటలు మట్టిలో కలిసిపోయిన దృశ్యాలను చూసి రైతుల బాధలను తెలుసుకుంటారు. స్థానిక రైతులతో మాట్లాడి ప్రభుత్వ సాయం అందించే మార్గాలపై చర్చిస్తారు. పంట నష్టం అంచనాలను సరిగ్గా అంచనా వేయాలని, బాధితులకు తక్షణ సహాయం అందించాల్సిందిగా అధికారులను ఆయన కోరే అవకాశం ఉంది. ఈ పర్యటన ద్వారా రైతుల పక్షాన జగన్ నిలబడ్డారనే సందేశాన్ని ఇవ్వాలని వైసీపీ వర్గాలు భావిస్తున్నాయి.
పర్యటన అనంతరం జగన్ అవనిగడ్డ హైవే మీదుగా తిరిగి తాడేపల్లి నివాసానికి చేరుకుంటారు. ఆయన పర్యటనకు సంబంధించిన ఏర్పాట్లు ఇప్పటికే పూర్తి చేశారు. వైసీపీ నాయకులు, స్థానిక ప్రజా ప్రతినిధులు రైతులతో కలిసి ఈ కార్యక్రమంలో పాల్గొననున్నారు. తుఫాను వల్ల వచ్చిన నష్టంపై ప్రభుత్వం నిర్లక్ష్యం చూపుతోందని విమర్శలు వస్తున్న తరుణంలో, జగన్ పర్యటనకు రాజకీయ ప్రాధాన్యత కూడా ఏర్పడింది. ఈ పర్యటన ద్వారా రైతు సమస్యలపై మరోసారి రాష్ట్ర రాజకీయ చర్చ మళ్లీ వేడెక్కే అవకాశముంది.
Read hindi news: https://hindi.vaartha.com
Epaper : https://epaper.vaartha.com/
