కర్నాటకలోని బీజాపూర్ జిల్లాకు చెందిన రాజు అనే వ్యక్తి తన భార్య,పాప, ఇతర కుటుంబ సభ్యులతో కలిసి ఆదివారం మహానంది క్షేత్రానికి (Mahanandi Temple) దేవుడి దర్శనానికి వచ్చాడు. కుటుంబం అంతా నంది సర్కిల్ దగ్గర తమ కారును పార్క్ చేసి, ఆపై దర్శనానికి వెళ్లింది. ఈ క్రమంలో ఒక పసిపాప కారులోనే ఉండిపోయి ప్రాణాపాయం ఎదుర్కొన్న ఘటన స్థానికులను కలవరపరిచింది.వారు తమ కారును నంది సర్కిల్ దగ్గర పార్క్ చేశారు. పాప నిద్రపోతుండటంతో భర్త చూసుకుంటాడని భార్య అనుకుంది. భార్య చూసుకుంటుందని భర్త భావించారు. భర్త మూత్రవిసర్జనకు వెళ్లి పాపను భార్య తీసుకెళ్లిందని భావించాడు.. వేర్వేరుగా దర్శనానికి వెళ్లారు. పాప కారులోనే ఉండిపోయింది.
గమనించిన స్థానికులు వెంటనే స్పందించారు
కారు అద్దాలన్నీ మూసి ఉన్నాయి.. తలుపులు కూడా లాక్ చేసి ఉన్నాయి. దీంతో చిన్నారికి ఊపిరాడటం లేదు. .చెమటలు పట్టి నిద్రలేచి ఏడుస్తోంది. కారులో చిన్నారిని గమనించిన స్థానికులు వెంటనే స్పందించారు. దేవస్థానం సమాచార కేంద్రంలోని రికార్డ్ అసిస్టెంట్ ఈశ్వర్, పొరుగుసేవల ఉద్యోగి నాగార్జునరెడ్డికి ఈ విషయం చెప్పారు. వారు వెంటనే కానిస్టేబుల్ చంద్రశేఖర్ (Constable Chandrashekhar) కు సమాచారం ఇచ్చారు. చంద్రశేఖర్ వెంటనే స్పందించి రాయితో కారు అద్దాలు పగలగొట్టారు. ఆ చిన్నారిని బయటకు తీశారు.. ఊపిరి తీసుకోవడానికి ఇబ్బంది పడుతున్న పాపకు సమాచార కేంద్రంలో సపర్యలు చేయడంతో ప్రాణాపాయం నుంచి కాపాడారు. చిన్నారి కొద్దిసేపటికి కోలుకుంది.
పాప గురించి ప్రకటన చేశారు
ఆ తర్వాత ఆలయంలో మైకుల ద్వారా పాప గురించి ప్రకటన చేశారు. అనంతరం 15 నిమిషాల తర్వాత తల్లిదండ్రులు వచ్చి పాపను తీసుకువెళ్లారు.. వారిని పోలీసులు మందలించారు. చిన్నారిని కాపాడిన కానిస్టేబుల్ చంద్రశేఖర్కు తల్లిదండ్రులు ధన్యవాదాలు తెలిపారు. కానిస్టేబుల్ చూపిన చొరవను హోంమంత్రి వంగలపూడి అనిత అభినందించారు. స్థానికులు పాపను గమనించబట్టి సరిపోయింది.. లేకపోతే పరిస్థితి ఏంటి. పాపం పాపను కారులోనే మర్చిపోయి తల్లిదండ్రులు దర్శనానికి వెళ్లడం విచిత్రంగా ఉందని స్థానికులు చర్చించుకున్నారు.. చిన్నారి సురక్షితంగా ఉండటంతో అందరూ ఊపిరి పీల్చుకున్నారు.
Read more: hindi.vaartha.com
Read Also:
