ఆంధ్రప్రదేశ్ ప్రభుత్వం ఆటో, ట్యాక్సీ, క్యాబ్ డ్రైవర్ల కోసం గొప్ప శుభవార్తను ప్రకటించింది. అక్టోబర్ 1న వాహన మిత్ర పథకం (Vahana Mitra Scheme)కింద అర్హులైన డ్రైవర్లకు రూ.15,000 ఆర్థిక సాయం అందించనుంది. ఇందుకోసం ప్రభుత్వం కొత్త మార్గదర్శకాలను విడుదల చేసింది.
ఎవరెవరు అర్హులు?
వాహన మిత్ర పథకం కింద ఆర్థిక సాయం పొందడానికి డ్రైవర్లు కొన్ని అర్హత ప్రమాణాలు పూరించాలి:
- దరఖాస్తుదారు ఆంధ్రప్రదేశ్(Andhra Pradesh)లో నమోదైన వాహనాన్ని కలిగి ఉండాలి.
- చెల్లుబాటు అయ్యే డ్రైవింగ్ లైసెన్సు తప్పనిసరిగా ఉండాలి.
- మోటార్ క్యాబ్, మ్యాక్సీ క్యాబ్ యజమానులు ఫిట్నెస్ సర్టిఫికెట్ కలిగి ఉండాలి.
- ఆటో రిక్షా యజమానులకు తాత్కాలికంగా మినహాయింపు ఉన్నా, నెలలోపు ఫిట్నెస్ సర్టిఫికెట్ పొందాలి.
- పేదరిక రేఖకు దిగువన ఉండాలి లేదా బీపీఎల్ రేషన్ కార్డు కలిగి ఉండాలి.
- దరఖాస్తుదారు కుటుంబంలో ఎవరూ ప్రభుత్వ ఉద్యోగులు/పెన్షనర్లు కాకూడదు. పారిశుద్ధ్య కార్మికులకు మినహాయింపు ఉంటుంది.
- నెలవారీ విద్యుత్ వినియోగం 300 యూనిట్లలోపు ఉండాలి.
- వాహనంపై పెండింగ్ టాక్సులు లేదా చలాన్లు ఉండకూడదు.
- వ్యవసాయ భూమి పరిమితి మాగాణి 3 ఎకరాలు లేదా మెట్ట 10 ఎకరాలు లోపు ఉండాలి.
- పట్టణాల్లో 1000 చదరపు అడుగులకన్నా ఎక్కువ ఇంటి లేదా షాప్ నిర్మాణం ఉండకూడదు.
ఆర్థిక సాయం వాడుకోగల అవసరాలు
ఈ పథకం ద్వారా అందే రూ.15,000 సహాయాన్ని డ్రైవర్లు క్రింద ఉన్న అవసరాల కోసం ఉపయోగించుకోవచ్చు:
- వాహన బీమా
- ఫిట్నెస్ సర్టిఫికెట్ ఫీజు
- వాహన మరమ్మత్తులు
- ఇతర వృత్తిపరమైన ఖర్చులు
దరఖాస్తు ప్రక్రియ – ముఖ్యమైన తేదీలు
ఆసక్తి గల డ్రైవర్లు ఈ తేదీలను గుర్తుంచుకోవాలి:
- సెప్టెంబర్ 17: దరఖాస్తుల స్వీకరణ ప్రారంభం
- సెప్టెంబర్ 19: కొత్త దరఖాస్తులకు చివరి తేదీ
- సెప్టెంబర్ 22: క్షేత్రస్థాయి పరిశీలన ముగింపు
- సెప్టెంబర్ 24: తుది లబ్ధిదారుల జాబితా సిద్ధం
- అక్టోబర్ 1: సీఎం చంద్రబాబు నాయుడు లబ్ధిదారుల ఖాతాల్లో నగదు జమ చేయనున్న తేదీ
ఆన్లైన్ సౌకర్యం – వేగవంతమైన ప్రాసెసింగ్ కోసం
దరఖాస్తు ప్రక్రియను సులభతరం చేయడానికి గ్రామ, వార్డు సచివాలయాల సహకారంతో పునఃసమీక్ష జరుగుతుంది. GSWS శాఖ ప్రత్యేకంగా రూపొందించిన ఆన్లైన్ ప్లాట్ఫామ్ను సెప్టెంబర్ 17నాటికి అందుబాటులోకి తీసుకురానున్నారు.
Read hindi News: Hindi.vaartha.com
Read also:
