ఆంధ్రప్రదేశ్లో స్క్రబ్ టైఫస్ (scrub typhus) కేసులు పెరుగుతుండటంతో ప్రజల్లో ఆందోళన పెరుగుతోంది. పురుగు కాటుతో వ్యాపించే ఈ వ్యాధి రాష్ట్రంలో మరణాలను నమోదు చేస్తోంది. తాజాగా కృష్ణా జిల్లా ఉయ్యూరు మండలం మొదునూరు గ్రామానికి చెందిన శివశంకర్ (44) అనారోగ్యానికి గురై చికిత్స పొందుతున్న సమయంలో మరణించారు. ఆయన నుంచి తీసుకున్న శాంపిల్ రిపోర్ట్ ఆలస్యంగా రావడంతో, స్క్రబ్ టైఫస్ పాజిటివ్ నిర్ధారణ ఆయన మరణించిన తర్వాత వెలుగులోకి వచ్చింది. మృతుడికి ముందుగా కిడ్నీ సమస్యలు కూడా ఉన్నట్లు వైద్యవర్గాలు తెలిపారు. ఈ ఘటనతో జిల్లాలో భయాందోళనలు మరింతగా పెరిగాయి.
Read also: AP: క్విక్ కామర్స్ రంగంలోకి అడుగుపెట్టిన రాష్ట్ర ప్రభుత్వం
Scrub typhus disease is spreading in AP
పురుగు కాటు నుంచి కూడా అప్రమత్తంగా
స్థితిని నియంత్రించేందుకు వైద్య ఆరోగ్య శాఖ బృందాలు మొదునూరు గ్రామంలో ఇంటింటికీ వెళ్లి సర్వే చేపట్టాయి. ప్రజలు చిన్నపాటి పురుగు కాటు నుంచి కూడా అప్రమత్తంగా ఉండాలని, జ్వరం, దద్దుర్లు, అలసట, శరీర నొప్పులు వంటి లక్షణాలు కనిపించిన వెంటనే సమీప ఆసుపత్రిలో పరీక్షలు చేయించుకోవాలని అధికారులు హెచ్చరిస్తున్నారు. వ్యాధి వ్యాప్తిని తగ్గించేందుకు గ్రామంలో శుభ్రత చర్యలు, అవగాహన కార్యక్రమాలు వేగవంతం చేశారు.
Read hindi news: hindi.vaartha.com
Epaper: epaper.vaartha.com/
Read Also:
