ఆంధ్రప్రదేశ్(AP) ఆరోగ్యశాఖ కమిషనర్ వీరపాండియన్ వెల్లడించిన తాజా సమాచారం ప్రకారం, ఈ ఏడాది రాష్ట్రంలో ఇప్పటివరకు 1,566 స్క్రబ్ టైఫస్ కేసులు నమోదయ్యాయి. వ్యాధి లక్షణాలతో తొమ్మిది మంది మరణించినప్పటికీ, ఇవి నిజంగా టైఫస్ వల్ల జరిగాయని ఇప్పటివరకు స్పష్టత రాలేదని ఆయన తెలిపారు. మరణాలపై ఖచ్చితమైన కారణాలను గుర్తించేందుకు ప్రత్యేక పరిశోధన అవసరమైందని, దానికి 2–3 నెలల సమయం పట్టే అవకాశం ఉందని చెప్పారు. మంగళగిరిలోని ఏపీఐఐసీ భవనంలో మీడియాతో మాట్లాడిన ఆయన, ఇతర రాష్ట్రాలతో పోలిస్తే ఆంధ్రప్రదేశ్లో తక్కువ కేసులు నమోదయ్యాయని పేర్కొన్నారు.
Read Also: Scrub typhus: పిహెచ్ సి స్థాయిలోనే స్క్రబ్ టైఫస్ నిర్ధారణ పరీక్షలు
పొరుగు రాష్ట్రాల్లో పరిస్థితి
దేశంలోని(AP) ఇతర రాష్ట్రాల్లో స్క్రబ్ టైఫస్ కేసులు మరింతగా నమోదయ్యాయి.
- కర్ణాటక: 1,870 కేసులు
- తమిళనాడు: 7,308 కేసులు
- తెలంగాణ: 309 కేసులు
గ్రామాల్లో వెలుగులోకి వస్తున్న సంఘటనలు
పల్నాడు జిల్లా సత్తెనపల్లి మండలం కొమెరపూడి గ్రామానికి చెందిన బత్తుల లూర్దమ్మ (64) పది రోజుల క్రితం జ్వరం, శరీర నొప్పులతో గుంటూరు ప్రభుత్వ ఆసుపత్రిలో చేరి చికిత్స పొందుతూ శనివారం మృతి చెందింది. వైద్యులు ఆమెకు స్క్రబ్ టైఫస్(Scrub typhus) లక్షణాలు ఉన్నట్లు నిర్ధారించారు. ఇదే సమయంలో, గుంటూరు జిల్లా పెదకాకాని మండలం వెనిగండ్ల గ్రామానికి చెందిన మరో వ్యక్తిలో కూడా స్క్రబ్ టైఫస్ పోలి ఉన్న లక్షణాలు బయటపడ్డాయి.
Read hindi news: hindi.vaartha.com
Epaper : epaper.vaartha.com
Read Also:
