ఆంధ్రప్రదేశ్ ప్రజలకు వాతావరణ శాఖ, రాష్ట్ర విపత్తుల నిర్వహణ సంస్థ మరోసారి అలర్ట్ జారీ చేసింది. రాష్ట్రంపై ప్రస్తుతం కొనసాగుతున్న ద్రోణి ప్రభావం (Trough effect) కారణంగా వాతావరణం తీవ్రంగా మారే అవకాశం ఉందని అధికారులు హెచ్చరించారు. ఈ ప్రభావం వల్ల రాబోయే రెండు రోజులపాటు అనేక జిల్లాల్లో వర్షాలు పడే అవకాశం ఉందని స్పష్టం చేశారు.
విపత్తుల నిర్వహణ సంస్థ మేనేజింగ్ డైరెక్టర్ ప్రఖర్ జైన్ (Managing Director Prakhar Jain) తెలిపిన వివరాల ప్రకారం, రాయలసీమలోని కొన్ని ప్రాంతాల్లో పిడుగులతో కూడిన భారీ వర్షాలు కురిసే అవకాశం ఉంది. అలాగే కోస్తా ఆంధ్రా జిల్లాల్లోనూ మోస్తరు నుంచి భారీ వర్షాలు నమోదయ్యే అవకాశముందని చెప్పారు. ఈ సమయంలో ప్రజలు జాగ్రత్తలు తీసుకోవాలని ఆయన సూచించారు. ముఖ్యంగా వర్షకాలంలో చెట్ల కింద, విద్యుత్ స్తంభాల దగ్గర లేదా తెరచి ఉన్న ప్రదేశాల్లో నిలబడకూడదని హెచ్చరించారు.
పిడుగులతో కూడిన మోస్తరు నుంచి భారీ వర్షాలు
మరోవైపు ద్రోణి ప్రభావంతో గురువారం రోజు డాక్టర్ బీఆర్ అంబేద్కర్ కోనసీమ జిల్లా , తూర్పుగోదావరి, పశ్చిమ గోదావరి, ఏలూరు, కృష్ణా, గుంటూరు, బాపట్ల, ప్రకాశం, నెల్లూరు, చిత్తూరు, తిరుపతి జిల్లాల్లోని కొన్నిప్రాంతాల్లో పిడుగులతో కూడిన మోస్తరు నుంచి భారీ వర్షాలు కురిసేందుకు అవకాశం ఉందని ఏపీ విపత్తుల నిర్వహణ సంస్థ (AP Disaster Management Authority) తెలిపింది. మిగతా జిల్లాల్లో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని వెల్లడించింది.
Read hindi news: hindi.vaartha.com
Read Also:
