మొంథా తుఫాన్ ప్రభావం ఆంధ్రప్రదేశ్(AP Rain Alert) రాష్ట్రవ్యాప్తంగా తీవ్రంగా కొనసాగుతోంది. వాతావరణ శాఖ ప్రకారం, తుపాన్ ప్రభావంతో ఇవాళ అనేక జిల్లాల్లో భారీ నుంచి అతిభారీ వర్షాలు(AP Rain Alert) కురిసే అవకాశం ఉంది. సముద్రం అల్లకల్లోలంగా మారడంతో తీరప్రాంత ప్రజలు అప్రమత్తంగా ఉండాలని సూచించారు.
Read Also: Montha Cyclone: రెండు తెలుగు రాష్ట్రాల్లో మొంథా తుఫాన్ బీభత్సం
ఈ జిల్లాల్లో అతిభారీ వర్షాల సూచన
అమరావతి వాతావరణ కేంద్రం తెలిపిన వివరాల ప్రకారం,
- శ్రీకాకుళం, పార్వతీపురం మన్యం, విజయనగరం, విశాఖపట్నం, అల్లూరి సీతారామరాజు, అనకాపల్లి, ఏలూరు, NTR, కృష్ణా, గుంటూరు, పల్నాడు, బాపట్ల, నంద్యాల జిల్లాల్లో భారీ నుంచి అతిభారీ వర్షాలు కురిసే అవకాశం ఉంది. అదేవిధంగా,
- కాకినాడ, కోనసీమ, తూర్పు గోదావరి, పశ్చిమ గోదావరి, ప్రకాశం, కడప, కర్నూలు, అనంతపురం, యానాం జిల్లాల్లో కూడా భారీ వర్షాలు కురిసే అవకాశం ఉందని పేర్కొన్నారు.
ప్రజలు అప్రమత్తంగా ఉండాలని హెచ్చరిక
తీరప్రాంతాలు మరియు లోతట్టు ప్రాంతాల్లో నివసించే ప్రజలు జాగ్రత్తలు తీసుకోవాలని అధికారులు సూచించారు. బలమైన గాలులు, వర్షం కారణంగా చెట్లు, విద్యుత్ స్తంభాలు కూలే అవకాశం ఉందని హెచ్చరించారు. మత్స్యకారులు సముద్ర యాత్రలు చేయకూడదని, అవసరం లేకుండా బయటకు వెళ్లవద్దని సూచించారు.
రక్షణ చర్యలు, సిద్ధంగా ఉన్న అధికారులు
రాష్ట్ర విపత్తు నిర్వహణ సంస్థ (APSDMA) అధికారులు అత్యవసర సిబ్బందిని మోహరించారు. అన్ని జిల్లాల్లో కంట్రోల్ రూమ్లు ఏర్పాటు చేశారు. వరద ముప్పు ఉన్న ప్రాంతాల్లో సహాయక బృందాలు సిద్ధంగా ఉన్నాయని ప్రభుత్వం ప్రకటించింది.
Read hindi news: hindi.vaartha.com
Epaper : epaper.vaartha.com/
Read Also:
