AP Liquor: సమయం పెంపు.. రెండు రోజులు కిక్కే కిక్కు

నూతన సంవత్సర వేడుకల నేపథ్యంలో ఆంధ్రప్రదేశ్(AP Liquor) ప్రభుత్వం కీలక నిర్ణయం తీసుకుంది. రాష్ట్రవ్యాప్తంగా మద్యం విక్రయాలకు సంబంధించిన పనివేళలను ఎక్సైజ్ శాఖ పెంచుతూ ప్రత్యేక ఆదేశాలు జారీ చేసింది.

డిసెంబర్ 31, జనవరి 1న అర్ధరాత్రి వరకు మద్యం విక్రయాలకు అనుమతి

డిసెంబర్ 31 మరియు జనవరి 1 తేదీల్లో మద్యం షాపులు అర్ధరాత్రి 12 గంటల వరకు విక్రయాలు జరిపేందుకు అనుమతి ఇచ్చినట్లు ఎక్సైజ్ శాఖ(AP Liquor) తెలిపింది. అదే విధంగా, బార్లు, ఇన్-హౌస్ లైసెన్సులు మరియు ఈవెంట్లకు ప్రత్యేక పర్మిట్ ఉన్న సంస్థలకు రాత్రి ఒంటి గంట వరకు మద్యం అందించేందుకు గ్రీన్ సిగ్నల్ ఇచ్చింది.

న్యూ ఇయర్ వేడుకల సమయంలో ప్రజలకు ఇబ్బందులు తలెత్తకుండా, అలాగే అక్రమ మద్యం విక్రయాలను నియంత్రించేందుకు ఈ నిర్ణయం తీసుకున్నట్లు అధికారులు స్పష్టం చేశారు. రాష్ట్రంలోకి నాన్ డ్యూటీ పెయిడ్ లిక్కర్, నాటు సారా ప్రవేశించకుండా కఠిన చర్యలు చేపడుతున్నామని, అందులో భాగంగానే అధికారిక పనివేళలను పొడిగించినట్లు తెలిపారు.

Read hindi news: hindi.vaartha.com

Epaper : epaper.vaartha.com