ప్రతి కోడి ఏ ఫారం నుంచి వచ్చిందో ట్రాక్ చేసేలా ప్రయోగం
రాష్ట్ర మాంసాభివృద్ధి సంస్థ బోర్డు నిర్ణయాలు
విజయవాడ: రాష్ట్రంలో (state)చికెన్ వ్యాపారంలో (chicken business) జరుగుతున్న అక్రమాలను అరికట్టేందుకు పటిష్ట చర్యలు తీసుకోవాలని, కొత్తగా లైసెన్సింగ్ విధానాన్ని తీసుకురావాలని రాష్ట్ర మాంసాభివృద్ధి సంస్థ నిర్ణయించింది. ప్రతి చికెన్ దుకాణానికీ లైసెన్స్(License) ఇవ్వడంతో పాటు, కోళ్లు ఏ ఫారమ్ నుంచి వచ్చాయి, దుకాణదారుడు వాటిని ఎవరికి అమ్మారు అనే అంశాలను ట్రాక్ చేసేలా పకడ్బందీ వ్యవస్థను తీసుకురావాలని సంస్థ బోర్డు తీర్మానించింది. విజయవాడలోని పశు సంవర్థక శాఖ డైరెక్టర్ కార్యాలయంలో జరిగిన సమావేశంలో ఈ మేరకు నిర్ణయాలు తీసుకున్నారు.
Read Also: Rain Alert: ఆంధ్రప్రదేశ్కు నేడు భారీ వర్ష సూచన: తెలంగాణలో ఎల్లో అలర్ట్
వైకాపా హయాం అక్రమాలపై దర్యాప్తు
గత వైఎస్సార్ కాంగ్రెస్ పార్టీ (వైకాపా) హయాంలో జరిగిన మాంసం మాఫియా అక్రమాలను బయటకు తీసి, బాధ్యులపై కఠిన చర్యలు తీసుకోవాలని బోర్డు నిర్ణయించింది. సంస్థ ఛైర్మన్ చంద్ర దండు ప్రకాష్ నాయుడు అధ్యక్షతన జరిగిన ఈ సమావేశంలో డైరెక్టర్లు ప్రవీణ, అజ్ముద్దీన్, పశు సంవర్థక శాఖ సంచాలకులు టి. దామోదర్ నాయుడు సహా సంబంధిత అధికారులు పాల్గొన్నారు.
కీలక నిర్ణయాలు, పారిశుద్ధ్యం
సమావేశంలో తీసుకున్న ముఖ్యమైన నిర్ణయాలు ఈ విధంగా ఉన్నాయి:
- చికెన్, మటన్ దుకాణాలను క్రమబద్ధీకరించడం.
- మున్సిపాలిటీల్లో మాంసం దుకాణాలపై ఆకస్మిక దాడులు చేసి, అక్రమాలపై తక్షణ చర్యలు తీసుకోవడం.
- హోటల్స్ నిర్వాహకులు గుర్తింపు పొందిన చికెన్ షాపుల నుంచే మాంసం కొనేలా ప్రోత్సహించడం.
- స్టెరాయిడ్లు వాడిన కోళ్ల అమ్మకాలను పూర్తిగా నియంత్రించడం.
- చికెన్ దుకాణాల వ్యర్థాలను సేకరించి, ప్రజారోగ్యానికి ఇబ్బంది కలగని రీతిలో డిస్పోజ్ చేయడం.
- చికెన్ దుకాణాల వ్యర్థాలను తీసుకువెళ్లి చేపలకు ఆహారంగా వాడుతున్న మాఫియాను అరికట్టడం.
మాంసాభివృద్ధి సంస్థ తీసుకున్న కొత్త నిర్ణయం ఏమిటి?
చికెన్ వ్యాపారంలో అక్రమాలను అరికట్టడానికి కొత్తగా లైసెన్సింగ్ విధానాన్ని తీసుకురావాలని నిర్ణయించింది.
కొత్త విధానంలో దేనిని ట్రాక్ చేస్తారు?
కోళ్లు ఏ ఫారమ్ నుంచి వచ్చాయి, దుకాణదారుడు ఎవరికి అమ్మారు అనే అంశాలను ట్రాక్ చేస్తారు.
Read hindi news: hindi.vaartha.com
Epaper: epaper.vaartha.com/
Read Also:
