ఆంధ్రప్రదేశ్ అభివృద్ధే లక్ష్యంగా సీఎం చంద్రబాబు (Chandrababu) నేతృత్వంలో కేబినెట్ సమావేశం జరిగింది. రాష్ట్ర రాజధాని అమరావతిని మరోసారి చుట్టుముట్టిన అభివృద్ధి సందేశాలే ఈ సమావేశానికి హైలైట్ అయ్యాయి.ఈ సమావేశంలో మొత్తం 33 అంశాలపై చర్చించి, అన్నింటికీ కేబినెట్ గ్రీన్ సిగ్నల్ (Cabinet green signal) ఇచ్చింది. ముఖ్యంగా అమరావతి నిర్మాణానికి సంబంధించి తీసుకున్న నిర్ణయాలు గమనార్హం.రాజధాని పరిధిలోని 29 గ్రామాల్లో మౌలిక సదుపాయాల కల్పన కోసం రూ.904 కోట్లు కేటాయించారు. ఈ ప్రతిపాదనను CRDA సమర్పించగా, మంత్రివర్గం ఆమోదం తెలిపింది.నూతన అసెంబ్లీ భవన నిర్మాణానికి రూ.617 కోట్లు, హైకోర్టు భవనానికి రూ.786 కోట్లు మంజూరు అయ్యాయి. వీటి పనులు త్వరలోనే మొదలయ్యే సూచనలు ఉన్నాయి.
వ్యవసాయ రంగానికి చిత్తశుద్ధి చూపించిన ప్రభుత్వం
ధాన్యం కొనుగోలు ప్రక్రియను వేగవంతం చేసేందుకు MARKFED ద్వారా రూ.1000 కోట్ల రుణం సమీకరించేందుకు అనుమతినిచ్చారు. ఇది రైతులకు భారీ ఊరటనిస్తుందని అంచనా.పోలవరం ఎడమ కాల్వకు రీటెండర్ అనుమతి వచ్చింది. పుంగనూరు బ్రాంచ్ కెనాల్ పనులకు కూడా ఆమోదం లభించింది. సాగునీటి ప్రాజెక్టుల పునఃప్రారంభానికి ఇది బలంగా మారనుంది.సామాజిక న్యాయం దిశగా ఎస్సీ వర్గీకరణకు సంబంధించిన ముసాయిదా ఆర్డినెన్స్కు కేబినెట్ గ్రీన్ సిగ్నల్ ఇచ్చింది. ఇది దేశవ్యాప్తంగా చర్చనీయాంశమయ్యే అంశం కావచ్చు.
పర్యావరణ పరిరక్షణకు కొత్త పాలసీ
ఏపీ సర్క్యులర్ ఎకానమీ – వేస్ట్ రీసైక్లింగ్ పాలసీ 4.0ను ఆమోదించారు. ఇది వ్యర్థాల నిర్వహణలో మార్పు తేవడం ఖాయం.అనంతపురంలో సౌర, పవన విద్యుత్ ప్రాజెక్టులకు కేబినెట్ మంజూరు తెలిపింది. ఈ నిర్ణయంతో గ్రీన్ ఎనర్జీ రంగంలో ఏపీ ముందడుగు వేసింది.రాష్ట్రంలో పర్యాటక అభివృద్ధికి అవసరమైన భూముల కేటాయింపుకు ఆమోదం లభించింది. ఇది పర్యాటక రంగానికి ఊతమిచ్చే నిర్ణయం.రాష్ట్ర అధికార భాషా సంఘానికి పేరు మారుస్తున్నట్టు మంత్రివర్గం ప్రకటించింది. త్వరలో కొత్త పేరుతో జీవన్మాన్యం కల్పించనుంది.
సీఎం దిశానిర్దేశంతో మంత్రుల జోష్
సమావేశం అనంతరం మంత్రి కొలుసు పార్థసారథి మాట్లాడుతూ, ఈ నిర్ణయాలు రాష్ట్ర అభివృద్ధికి ఉపయోగపడతాయని అన్నారు. సీఎం చంద్రబాబు మంత్రులకు ప్రజలతో మమేకమై పనిచేయాలన్న సూచన ఇచ్చారని తెలిపారు.
Read Also :
