ఆంధ్రప్రదేశ్(AndhraPradesh) ప్రభుత్వం అమరావతిని ప్రపంచస్థాయి రాజధానిగా మలచేందుకు వేగంగా చర్యలు తీసుకుంటోంది. పెట్టుబడులను ఆకర్షించేందుకు అవసరమైన సంస్కరణలు చేపడుతూ, కేంద్ర ప్రభుత్వం సహకారంతో భారీ ఆర్థిక వనరులను సమకూర్చుకుంటోంది.
Read Also: Gunturu: ఏపీ లోని ఆ జిల్లాలో బైపాస్ వెళ్లే పట్టణాలకు మహర్దశ..
ఒకేసారి 12 బ్యాంకుల నిర్మాణానికి 28న శంకుస్థాపన
అమరావతిలో ఆర్థిక కార్యకలాపాలను పెంచేందుకు రాష్ట్ర(AndhraPradesh) ప్రభుత్వం కీలక నిర్ణయం తీసుకుంది. ఈనెల 28న రాజధానిలో 12 బ్యాంకుల భవనాల నిర్మాణానికి శంకుస్థాపన కార్యక్రమం జరగనుంది. ఈ వేడుకకు కేంద్ర ఆర్థిక మంత్రి నిర్మల సీతారామన్(Nirmala Sitharaman) హాజరవుతారని సమాచారం. ఆమె ప్రత్యక్షంగా వస్తారా లేదా వర్చువల్గా పాల్గొంటారా అనే విషయంపై ఇంకా స్పష్టత లేదు.
మొత్తం 25 బ్యాంకులు – ఆర్బీఐ సహా ప్రధాన సంస్థల స్థాపన
అమరావతిలో భారతీయ రిజర్వ్ బ్యాంక్తో పాటు 25 ప్రభుత్వ, ప్రైవేటు రంగ బ్యాంకులను ఏర్పాటు చేయడానికి ఇప్పటికే స్థలాలు కేటాయించబడ్డాయి. వీటిలో 12 బ్యాంకుల భవనాలు మొదటిగా నిర్మాణ దశలోకి అడుగుపెడుతున్నాయి.
2014–2019 మధ్యలోనే ఈ భూకేటాయింపులు పూర్తయినా, తర్వాతి పాలనలో పనులు ముందుకు సాగలేదు. ప్రస్తుతం ప్రభుత్వం అన్ని కార్యక్రమాలను మళ్లీ ప్రారంభించింది.
సిఆర్డిఏ కార్యాలయ సమీపంలో భారీ శంకుస్థాపన వేదిక
రాజధానిలోని సిఆర్డిఏ ప్రధాన కార్యాలయం వద్ద అన్ని బ్యాంకులకు ఒకేసారి శంకుస్థాపన కార్యక్రమం నిర్వహిస్తారు. ఇప్పటికే పలువురు బ్యాంకులు తమ స్థలాలను సిద్ధం చేసుకుని నిర్మాణాలకు రెడీ అయ్యాయి.
ఈ బ్యాంకుల ఏర్పాటుతో అమరావతి రాష్ట్ర ఆర్థిక కేంద్రంగా ఎదగనుందని అధికారులు భావిస్తున్నారు.
పెట్టుబడుల రాకకు మార్గం సుగమం
బ్యాంకుల నిర్మాణాలు ప్రారంభమైన వెంటనే అమరావతిలో ఆర్థిక చురుకుదనం పెరుగుతుంది. పెట్టుబడులు ఆకర్షించడంలో ఈ ప్రాజెక్టులు కీలకంగా మారనున్నాయి. ప్రస్తుతం రాజధానిలో అనేక నిర్మాణాలు నిరంతరాయంగా కొనసాగుతుండగా, ఈ కొత్త ప్రాజెక్టులు మరింత వేగం తెస్తాయని అంచనా.
Read hindi news: https://hindi.vaartha.com
Epaper : https://epaper.vaartha.com/
Read also :
