ఆంధ్రప్రదేశ్కు వర్షాలతో కూడిన వాతావరణం మరింత ప్రభావం చూపనుంది. ఆదివారం నుంచి రాష్ట్రంలో వర్షాలు (Andhra Pradesh Rains) కురిసే అవకాశముందని వాతావరణ శాఖ (Department of Meteorology) హెచ్చరికలు జారీ చేసింది.
ఉపరితల ఆవర్తన ప్రభావంతో వర్షాలు)
దక్షిణ కోస్తాంధ్ర (South Coastal Andhra) మీదుగా ఉపరితల ఆవర్తనం కొనసాగుతోంది. దీని ప్రభావంతో రానున్న రెండు రోజుల్లో రాష్ట్రంలో పిడుగులతో కూడిన తేలికపాటి నుంచి మోస్తరు వర్షాలు (Andhra Pradesh Rains)కురిసే అవకాశముందని అమరావతి వాతావరణ కేంద్రం వెల్లడించింది.
ఇవాళ వర్షాలు కురిసే జిల్లాలు
ఈ రోజు (ఆగస్టు 10) పార్వతీపురం మన్యం, అల్లూరి సీతారామరాజు, ఏలూరు జిల్లాల్లో మోస్తరు నుంచి భారీ వర్షాలు కురిసే అవకాశం ఉంది. ప్రజలు వర్షాల తీవ్రతను దృష్టిలో ఉంచుకుని అవసరమైన జాగ్రత్తలు తీసుకోవాలి.
బంగాళాఖాతంలో అల్పపీడనం – మరింత వర్షాల సూచన
బుధవారం (ఆగస్టు 13) నాటికి వాయువ్య మరియు పశ్చిమ మధ్య బంగాళాఖాతంలో అల్పపీడనం ఏర్పడే సూచనలు ఉన్నాయి. దీని ప్రభావం రాష్ట్రవ్యాప్తంగా వర్షాల రూపంలో కనిపించనున్నదని వాతావరణ శాఖ అంచనా వేసింది.
తారీఖుల వారీగా వర్షాలు
- ఆగస్టు 11 (సోమవారం): దక్షిణ కోస్తా, రాయలసీమ ప్రాంతాల్లో తేలికపాటి నుంచి మోస్తరు వర్షాలు కురిసే అవకాశం.
- ఆగస్టు 12: కృష్ణా, ఎన్టీఆర్, ఏలూరు, అల్లూరి సీతారామరాజు జిల్లాల్లో కొన్ని ప్రాంతాల్లో భారీ వర్షాలు.
- ఆగస్టు 13: గుంటూరు, ఎన్టీఆర్, కృష్ణా, పశ్చిమ గోదావరి, కోనసీమ, అల్లూరి జిల్లాల్లో వర్షాలు.
- ఆగస్టు 14: ప్రకాశం, పల్నాడు, తూర్పు గోదావరి, కాకినాడ, ఏలూరు, కోనసీమ వంటి జిల్లాల్లో భారీ వర్షాలు కురిసే అవకాశం ఉంది.
ప్రజలకు హెచ్చరికలు – జాగ్రత్తలు పాటించాలి
వర్షాల సమయంలో ప్రజలు అప్రమత్తంగా ఉండాలని వాతావరణ శాఖ సూచించింది. ముఖ్యంగా చెట్ల కింద, పాత భవనాలు లేదా శిథిలావస్థలో ఉన్న నిర్మాణాల వద్ద ఉండకూడదని హెచ్చరించింది. అలాగే, హోర్డింగ్స్ దగ్గర నిలుచోవద్దని సూచించబడింది.
Read hindi news:hindi.vaartha.com
read also:
