హైదరాబాద్ : దుబాయ్ లో బ్యూటీ పార్లర్ ఉద్యోగం కోసం వెళ్లిన పాత బస్తీలోని కిషన్ బాగ్ చెందిన ఓ మహిళ అక్కడ డ్రగ్స్ కేసులో అరెస్టయి జైలు పాలయ్యింది. అయితే తమ కూతురు అమాయకురాలని, ఆమెకు ఏ పాపం తెలియదని, ఎవరో అన్యాయంగా ఇందులో ఇరికించారని ఆమె తల్లిదండ్రులు చెబుతున్నారు. వివరాలు ఇలావున్నాయి. కిషన్బాగ్కు చెందిన అమీనా బేగం (24) వివాహిత. ఆమె భర్త ఆయూబ్ ఖాన్ (Ayub Khan) ప్రైవేటు ఉద్యోగి, వీరికి ఐదేళ్ల కుమారుడు వున్నాడు. పాతబస్తీలోని ఓ ఏజెంట్ ద్వారా మే 18వ తేదీన దుబాయ్లో బ్యూటీ పార్లర్ లో ఉద్యోగం నిమిత్తం ఆమె శంషాబాద్ విమానాశ్రయం నుంచి దుబాయ్కు వెళ్లింది.
కుమార్తె దుబాయ్ కు వెళ్లే సమయంలో
అయితే ఆమీనా బేగం దుబాయ్ విమానాశ్రయంలో దిగగానే ఆమె వద్ద వున్న బ్యాగ్ను అక్కడి కస్టమ్స్ అధికారులు తనిఖీ చేశారు. అయితే ఒక బ్యాగులో నిషిద్ధ మాదకద్రవ్యాలు వుండడంతో పోలీసులు వెంటనే అరెస్టు చేశారు. ఆమె ప్రస్తుతం దుబాయ్ లోని అబూదబి జైల్లో వుంది. అయితే ఈ ఘటనపై ఆమీనా బేగం (Amina Begum) తల్లిదండ్రులు మీడియాతో మాట్లాడుతూ తమ కుమార్తె దుబాయ్ కు వెళ్లే సమయంలో హైదరాబాద్ లో ఎవరో ఒక బ్యాగ్ ఇచ్చి దీనిని దుబా ని తమ మనుషులకు ఇవ్వాలని కోరారని, ఇందులో మాదకద్రవ్యాలు వున్న విషయం తమ కుమార్తెకు తెలియదని వారు తెలిపారు. తమ కుమార్తెకు తెలియకుండా జరిగిన ఈ నేరం లో ఆమె ఇరుక్కుని జైలు పాలైందని వారు ఆవేదన చెందారు.
పాత బస్తీలోని బహదూర్పురా పోలీసు అధికారులతో
ఈ విషయంలో కేంద్రం వెంటనే జోక్యం చేసుకుని తమ కుమార్తెను విడిపించి భారత్ కు తిరిగి తీసుకురావాలని వారు వేడుకున్నారు. తమ మనవడు అనారోగ్యంతో బాధపడుతున్నాడని
వారు తెలిపారు. ఈ విషయంలో కేంద్ర విదేశాంగ మంత్రి జైశంకర్ ను ప్రత్యేకంగా వేడుకు న్నారు. ఈ కేసులో అమీనా బేగంను దుబాయ్ కు పంపిన ఏజెంట్ను విచారిస్తే అన్ని విషయాలు తెలు స్తాయని వారు తెలిపారు. కాగా దీనిపై పాత బస్తీలోని బహదూర్పురా పోలీసు అధికారులతో మాట్లాడగా ఈ విషయమై తమకు ఇంతవరకు ఎవరూ ఫిర్యాదు చేయలేదని, ఎవరైనా ఫిర్యాదు చేస్తే చర్యలు తీసుకుంటామని తెలిపారు.
దుబాయ్ దేశమా లేదా నగరమా?
దుబాయ్ ఒక నగరం మరియు ఒక ఎమిరేట్ (Emirate) కూడా. ఇది యునైటెడ్ అరబ్ ఎమిరేట్స్ (UAE) లో భాగంగా ఉంది.
దుబాయ్ ఎందుకు ప్రసిద్ధి చెందింది?
దుబాయ్ అనేది ప్రపంచవ్యాప్తంగా ఎంతో ప్రసిద్ధి చెందిన నగరం. ఇది ప్రధానంగా ఆధునిక శిల్ప కళ, భారీ షాపింగ్ మాల్స్, ఆభరణాల కొనుగోళ్లు, నైట్ లైఫ్, పర్యాటక ఆకర్షణలతో ప్రసిద్ధి పొందింది.
Read Hindi News : hindi.vaartha.com
Read also : MLA Medipalli Satyam: బిజెపి, బిఆర్ఎస్ రెండు పార్టీలు ఒక్కటే: వారిది ఫెవికాల్ బంధం
