దక్షిణ ఆఫ్ఘనిస్థాన్ (Afghanistan) లోని మర్జా జిల్లాలో ఒక హృదయ విదారక ఘటన వెలుగులోకి వచ్చింది. ఓ తండ్రి తన ఆరేళ్ల కుమార్తెను డబ్బుకోసం 45 ఏళ్ల వ్యక్తికి ఇచ్చి వివాహం జరిపించాడు (Man marries six-year-old daughter to 45-year-old man for money). ఈ అమానవీయ సంఘటనపై దేశవాళీ, అంతర్జాతీయ స్థాయిలో తీవ్ర ఆగ్రహం వ్యక్తమవుతోంది.పేదరికాన్ని కారణంగా చూపుతూ, ఆ బాలికను డబ్బుతో విక్రయించిన తండ్రి, చిన్నారిని పెద్ద వయసు వ్యక్తికి ఇచ్చేందుకు సిద్ధమయ్యాడు. అందులో ఆశ్చర్యమేమీ లేదు… ఆ వ్యక్తికి ఇప్పటికే ఇద్దరు భార్యలు ఉన్నారు. అమెరికాకు చెందిన అము.టీవీ ఈ దారుణాన్ని ప్రపంచానికి పరిచయం చేసింది.వివాహానికి సంబంధించిన ఫోటోలు సోషల్ మీడియాలో వెలుగులోకి వచ్చాయి. చిన్నారి పక్కన కూర్చున్న మూడున్నర పైన వయసు ఉన్న వరుడిని చూసి నెటిజన్లు శ్రద్ధగా స్పందిస్తున్నారు. ఇది మానవత్వానికి అవమానం, అంటూ మానవ హక్కుల కార్యకర్తలు తీవ్రంగా ఆగ్రహం వ్యక్తం చేస్తున్నారు.
తాలిబన్ల తీరు – అపహాస్యంగా మారిన న్యాయం
ఈ ఘటనపై సమాచారం అందుకున్న తాలిబన్లు దర్యాప్తుకు దిగారు. అయితే వారు చేసిన చర్య మరింత ఆశ్చర్యకరం. బాలికను తన భర్త ఇంటికి తీసుకెళ్లకుండా అడ్డుకున్నారు. కానీ, తొమ్మిదేళ్లు నిండాక పంపించవచ్చని అనుమతి ఇచ్చారని స్థానిక మీడియా చెబుతోంది.
అరెస్టు వివరాలు – తండ్రి, వరుడు అదుపులో
ఇప్పటివరకు తాలిబన్లు అధికారిక ప్రకటన చేయకపోయినా, హష్త్-ఎ-సుభ్ అనే పత్రిక ప్రకారం, బాలిక తండ్రి, వరుడు ఇద్దరూ అరెస్టులో ఉన్నారు. ప్రస్తుతం చిన్నారి తన తల్లిదండ్రుల వద్దే ఉన్నట్లు సమాచారం.
పేదరికం, విద్యాహక్కులపై ఆంక్షలే ప్రధాన కారణం
2021లో తాలిబన్లు అధికారంలోకి వచ్చినప్పటి నుంచి బాల్య వివాహాలు విపరీతంగా పెరిగాయి. ఐక్యరాజ్యసమితి నివేదిక ప్రకారం, గతేడాది బాల్య వివాహాలు 25% పెరిగాయి. ఇది బాలికల భవిష్యత్తును గణనీయంగా నాశనం చేస్తోందని మానవ హక్కుల సంస్థలు హెచ్చరిస్తున్నాయి.
