హైదరాబాద్ నగరంలో హోలీ పండుగ రోజున భయానక ఘటన చోటుచేసుకుంది. నగరంలోని సైదాబాద్ ప్రాంతంలో ఉన్న భూలక్ష్మీ మాతా ఆలయంలో పనిచేస్తున్న అకౌంటెంట్పై గుర్తుతెలియని వ్యక్తి యాసిడ్ దాడి చేశాడు. హ్యాపీ హోలీ అంటూ ఆ వ్యక్తి అకౌంటెంట్ తలపై యాసిడ్ పోయడంతో అతను తీవ్రంగా గాయపడ్డాడు. ఈ ఘటన ఆలయ పరిసరాల్లో కలకలం రేపింది.
సీసీ టీవీ పుటేజీ ఆధారంగా దర్యాప్తు
గుర్తుతెలియని వ్యక్తి మార్చి 14న, హోలీ పండుగ రోజున సాయంత్రం సమయం ప్రాంతంలో ఆలయంలోకి ప్రవేశించాడు. అక్కడున్నవారెవరూ అనుమానించక ముందే, అతను “హ్యాపీ హోలీ” అంటూ అకౌంటెంట్ నర్సింగ్ రావుపై అకస్మాత్తుగా యాసిడ్ పోశాడు. దాడి అనంతరం నిందితుడు అక్కడి నుంచి వేగంగా పారిపోయాడు. ఈ దారుణ ఘటన ఆలయంలోని సీసీ టీవీ కెమెరాల్లో రికార్డయ్యింది. దృశ్యాలను పరిశీలించిన పోలీసులు నిందితుడు క్యాప్ మరియు మాస్క్ ధరించి ఉన్నట్లు గుర్తించారు. అతను తన ముఖాన్ని పూర్తిగా కప్పి ఉంచడం, ఎవరికీ అనుమానం రాకుండా ఉండటానికి అన్ని జాగ్రత్తలు తీసుకోవడం చూస్తే, ఇది ముందుగా ప్లాన్ చేసిన దాడిగా అనిపిస్తోంది. యాసిడ్ పోసిన వెంటనే నర్సింగ్ రావు గట్టిగా అరుస్తూ అతి భయంకరమైన బాధను అనుభవించాడు. అతడి ముఖం, మెడ, చేతులపై తీవ్రమైన గాయాలు అయ్యాయి. ఆలయంలో ఉన్న ఇతర సిబ్బంది, భక్తులు అతనికి సహాయం చేసి, హుటాహుటిన యశోదా ఆసుపత్రికి తరలించారు. డాక్టర్ల ప్రకారం, బాధితునికి రెండో స్థాయి బర్న్స్ అయినట్లు వెల్లడించారు. ప్రస్తుతానికి ఆయనకు చికిత్స కొనసాగుతోంది. దాడి తీవ్రత వల్ల కొన్ని రోజులు ఆసుపత్రిలోనే ఉండాల్సిన అవసరం ఉందని వైద్యులు తెలిపారు.
పోలీసుల చర్యలు
సైదాబాద్ పోలీసులు ఆలయ సీసీ టీవీ పుటేజీ ఆధారంగా నిందితుడి వివరాలను సేకరించడానికి ప్రత్యేక బృందాలను ఏర్పాటు చేశారు. ఈ దాడి వెనుక ఏదైనా వ్యక్తిగత కక్ష ఉందా? లేదా మరో కారణమా? అనే కోణంలో విచారణ కొనసాగిస్తున్నారు. పోలీసులు అనుమానితుల జాబితా సిద్ధం చేసుకుని, గతంలో బాధితునికి ఎవరి తో విబేధాలు ఉన్నాయా? అనే కోణంలో విచారణ జరుపుతున్నారు. నిందితుడి హల్చల్ తెలుసుకునేందుకు స్థానిక ప్రాంతాల్లో సీసీ టీవీ ఫుటేజీని ఖంగారు లేకుండా తనిఖీ చేస్తున్నారు.
ఈ దాడి హైదరాబాదులో ప్రజలను తీవ్ర ఆందోళనకు గురిచేసింది. హోలీ పండుగ రోజు ఇలాంటి దారుణ ఘటన జరగడం పట్ల ప్రజలు ఆశ్చర్యం వ్యక్తం చేస్తున్నారు. స్థానికులు, ఆలయ భక్తులు నిందితుడిని తక్షణమే పట్టుకుని కఠినంగా శిక్షించాలని డిమాండ్ చేస్తున్నారు. ఇటీవల సంవత్సరాల్లో యాసిడ్ దాడుల సంఖ్య పెరుగుతుండటం గమనార్హం. మహిళలపై ఎక్కువగా ఇలాంటి దాడులు జరగగా, ఇప్పుడు పురుషులపైనా దాడులు జరుగుతున్నాయి. ఇటువంటి ఘటనలు తీవ్ర భయాందోళనకు గురిచేస్తున్నాయి. ప్రభుత్వం దీనికి సరైన చర్యలు తీసుకోవాలని ప్రజలు కోరుతున్నారు. సీసీ టీవీ పుటేజీ ఆధారంగా నిందితుడిని గుర్తించేందుకు ప్రత్యేక బృందాలను ఏర్పాటు చేశారు. యాసిడ్ విక్రయాలను గట్టి నియంత్రణలోకి తీసుకురావాలని అధికారులు భావిస్తున్నారు. అందరూ అప్రమత్తంగా ఉండాలని, అనుమానాస్పద వ్యక్తులను వెంటనే పోలీసులకు సమాచారం అందించాల్సిందిగా విజ్ఞప్తి చేశారు.
