వైట్‌హౌస్ సమీపంలో ఆదివారం ఉదయం ఒక వ్యక్తి తుపాకీతో హల్‌చల్ చేయడంతో కలకలం రేగింది. సీక్రెట్ సర్వీస్ సిబ్బంది అతడిని అడ్డుకునే క్రమంలో కాల్పులు జరపడంతో ఆ వ్యక్తి తీవ్రంగా గాయపడ్డాడు. ప్రస్తుతం అతడు ఆసుపత్రిలో చికిత్స పొందుతున్నాడు. పోలీసుల వివరాల ప్రకారం, నిందితుడిని ఇండియానాకు చెందిన 27 ఏళ్ల ఆండ్రూ డాసన్‌గా గుర్తించారు. డాసన్ ఆత్మహత్య చేసుకోవాలనే ఉద్దేశంతో వైట్‌హౌస్‌కు వచ్చినట్లు తెలుస్తోంది. న్యూయార్క్ పోస్ట్ కథనం ప్రకారం, అతని వద్ద తుపాకీతో పాటు ఒక కత్తి కూడా ఉంది. వెస్ట్ వింగ్ నుండి కొద్ది దూరంలో ఉన్న ఐసెన్‌హోవర్ ఎగ్జిక్యూటివ్ ఆఫీస్ బిల్డింగ్ వద్ద సీక్రెట్ సర్వీస్ ఏజెంట్లు అతన్ని గుర్తించి నిలువరించే ప్రయత్నం చేశారు.
ఆత్మహత్య చేసుకోవాలని ప్లాన్
అధికారులు తెలిపిన వివరాల ప్రకారం, డాసన్ గతంలో కూడా స్థానిక చట్ట అమలు సంస్థల దృష్టికి వచ్చాడు. వాషింగ్టన్, డి.సి. ప్రాంతానికి వెళ్ళే ముందు అతను ఆత్మహత్య చేసుకోవాలని అనుకున్నట్లు ఇండియానా అధికారులు వెల్లడించారు. పోలీసుల చేతిలో కాల్పులకు గురై చనిపోవాలనే ఉద్దేశంతోనే అతడు అక్కడికి వచ్చినట్లు అనుమానిస్తున్నారు. సీక్రెట్ సర్వీస్ ప్రతినిధి ఆంథోనీ గుగ్లిల్మి తెలిపిన వివరాల ప్రకారం, ఏజెంట్లు అతన్ని సమీపిస్తుండగా డాసన్ తుపాకీ తీయడంతో వెంటనే కాల్పులు జరిగాయి. ఈ ఘటనలో సీక్రెట్ సర్వీస్ సిబ్బందికి ఎలాంటి గాయాలు కాలేదని అధికారులు తెలిపారు. కోర్టు రికార్డుల ప్రకారం, డాసన్ 2018లో గంజాయి మరియు డ్రగ్ సంబంధిత వస్తువులను కలిగి ఉన్నందుకు అరెస్టయ్యాడు. ఈ సమయంలో అధ్యక్షుడు డొనాల్డ్ ట్రంప్ ఫ్లోరిడాలోని మార్-ఎ-లాగో ఎస్టేట్‌లో ఉన్నారని సీక్రెట్ సర్వీస్ తెలిపింది. ఈ ఘటనపై మెట్రోపాలిటన్ పోలీస్ డిపార్ట్‌మెంట్ ఇంటర్నల్ అఫైర్స్ డివిజన్ దర్యాప్తు చేస్తోంది.
ఐపీఎల్ 2025 సీజన్‌లో యువ భారత ఓపెనర్ యశస్వి జైశ్వాల్ తన ఫామ్ కోల్పోవడం అభిమానులను తీవ్రంగా నిరాశపరిచింది. గత రెండు సీజన్లలో అత్యుత్తమ ప్రదర్శనతో మెరిసిన Read more
అన్ని దేశాల ఉత్పత్తులపై కనీసం 10 శాతం టారీఫ్‌లు విధించిన అధ్యక్షుడు ట్రంప్ అత్యధికంగా కంబోడియాపై 49 శాతం వరకు పన్నులు విధించారు. భారత్‌పై 26 శాతం, Read more
దేశమంతా హోలీ సంబురాలు ఘనంగా జరిగాయి. చిన్నా పెద్దా తేడా లేకుండా రంగుల పండుగను ఎంజాయ్ చేశారు. ముఖ్యంగాహైదరాబాద్ నగరంలో హోలీ వేడుకలు వైభవంగా సాగాయి. గల్లీ Read more
ప్రముఖ స్నాక్స్ అండ్ స్వీట్స్ తయారీ సంస్థ హల్దిరామ్‌లో వాటాను సొంతం చేసుకునేందుకు చాల కంపెనీలు పోటీ పడ్డాయి. కానీ వీటన్నిటిని అధిగమించి సింగపూర్ ప్రభుత్వ పెట్టుబడి Read more