Kamareddy crime : తెలంగాణలోని కామారెడ్డి పట్టణంలో ముగ్గురు చిన్నారుల అదృశ్యం కేసు సంచలనం సృష్టించింది. అయితే ఈ కేసులో కన్న తండ్రే నిందితుడిగా తేలడం అందరినీ షాక్కు గురిచేసింది.
తండ్రి చేతిలోనే పిల్లల ప్రాణాలు
షిఫత్ (8), అయత్ (7), మరియం (5) అనే ముగ్గురు చిన్నారులను వారి తండ్రి ఇస్మాయిల్ చెరువులో తోసి చంపినట్లు పోలీసులు వెల్లడించారు. నిందితుడిని అరెస్ట్ చేసి రిమాండ్కు తరలించారు.
తప్పుడు ఫిర్యాదు చేసిన ఇస్మాయిల్
శనివారం మధ్యాహ్నం ఇస్మాయిల్ తన భార్యతో కలిసి పోలీస్ స్టేషన్కు వెళ్లి, ఉదయం నుంచి పిల్లలు కనిపించడం లేదని ఫిర్యాదు చేశాడు. దీంతో పోలీసులు ఐదు ప్రత్యేక బృందాలను ఏర్పాటు చేసి గాలింపు చర్యలు చేపట్టారు.
Read Also: Nellore Housing Progress: పేదల సొంత ఇంటి కల నెరవేర్చడమే లక్ష్యం:హిమాన్షు శుక్లా
విచారణలో బయటపడిన నిజం
పోలీసులు సీసీటీవీ ఫుటేజ్, ఫోన్ కాల్ రికార్డులను పరిశీలించారు. విచారణలో ఇస్మాయిల్ ఇచ్చిన సమాధానాల్లో పొంతన లేకపోవడంతో పోలీసులు అతడిని అదుపులోకి తీసుకున్నారు.
ఆర్థిక ఇబ్బందులే కారణం
దాదాపు రూ.5 లక్షలకు పైగా అప్పులు ఉన్నాయని, పిల్లలను పోషించలేక ఈ దారుణానికి పాల్పడినట్లు ఇస్మాయిల్ పోలీసుల ఎదుట ఒప్పుకున్నాడు.
చెరువులో నుంచి మృతదేహాల వెలికితీత
పోలీసులు గజ ఈతగాళ్ల సహాయంతో చెరువులో నుంచి ముగ్గురు చిన్నారుల మృతదేహాలను వెలికితీశారు. నిందితుడిని కోర్టులో హాజరుపరచగా న్యాయస్థానం జ్యుడీషియల్ కస్టడీ విధించింది.
Read hindi news: hindi.vaartha.com
Epaper: epaper.vaartha.com
Read Also:
