Allu Arjun: వెండితెరపై వందలాది పాత్రలతో ప్రేక్షకులను నవ్వించిన సీనియర్ నటి పావలా శ్యామల ప్రస్తుతం కటిక పేదరికంలో, అనారోగ్యంతో కొట్టుమిట్టాడుతున్నారు. ఈ విషయం తెలుసుకున్న ఐకాన్ స్టార్ అల్లు అర్జున్ మానవత్వంతో స్పందించారు. కేవలం ఒకసారి ఆర్థిక సాయం చేసి చేతులు దులపుకోకుండా, ఆమెకు మరియు ఆమె కుమార్తెకు శాశ్వత భరోసా కల్పించేలా ఒక కీలక నిర్ణయం తీసుకున్నారు. వారి వైద్య ఖర్చులు, నిత్యావసరాల కోసం ప్రతి నెలా రూ. 10,000 అందేలా ఏర్పాట్లు చేశారు.
Read Also: VSN Murthy: సీనియర్ జర్నలిస్ట్ VSN మూర్తిపై మూడు నెలల సస్పెన్షన్!
దీన స్థితిలో వృద్ధ నటి
గత కొంతకాలంగా వృద్ధాప్య సమస్యలు, తీవ్ర ఆర్థిక ఇబ్బందుల వల్ల పావలా శ్యామల తన కుమార్తెతో కలిసి సికింద్రాబాద్లోని కార్ఖానాలో ఉన్న ఆర్కే ఫౌండేషన్లో ఆశ్రయం పొందుతున్నారు. అనారోగ్యం కారణంగా తల్లీకూతుళ్లిద్దరి పరిస్థితి విషమంగా మారడం, కనీసం మందులు కొనుక్కోవడానికి కూడా డబ్బులు లేని స్థితిలో వారు ఉన్నారని తెలుసుకున్న బన్నీ, వెంటనే తన టీమ్ను పంపి వివరాలు తెలుసుకున్నారు. వారికి అవసరమైన అన్ని సౌకర్యాలు అందేలా బాధ్యత తీసుకున్నారు.
పరిశ్రమ వర్గాల ప్రశంసలు
గతంలో మెగాస్టార్ చిరంజీవి వంటి పలువురు ప్రముఖులు కూడా ఆమెకు ఆర్థికంగా అండగా నిలిచారు. అయితే, ఇప్పుడు అల్లు అర్జున్ ప్రతి నెలా క్రమం తప్పకుండా డబ్బు అందేలా శాశ్వత ఏర్పాట్లు చేయడం విశేషం. ఆపదలో ఉన్న తోటి కళాకారుల పట్ల బన్నీ చూపుతున్న ఈ కరుణను చూసి టాలీవుడ్ వర్గాలతో పాటు అభిమానులు సోషల్ మీడియా వేదికగా నీరాజనాలు పలుకుతున్నారు. ‘నిజమైన హీరో’ అంటే బన్నీనే అంటూ ప్రశంసలు కురిపిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
