Elizabeth II: బ్రిటన్ దివంగత రాణి ఎలిజబెత్ II పదేళ్ల ప్రాయంలో తన చేతితో రాసిన ఒక ఉత్తరం ఇటీవల వేలంలో రికార్డు ధర పలికింది. బ్రిటన్లోని కెంట్లో నిర్వహించిన వేలంలో ఈ చారిత్రక పత్రం ఏకంగా 25,000 పౌండ్లకు (సుమారు రూ. 30 లక్షలు) అమ్ముడైంది. దాదాపు 1936-1940 మధ్య కాలంలో రాసిన ఈ లేఖ, భవిష్యత్ రాణి వ్యక్తిత్వాన్ని, ఆమెలోని అమాయకత్వాన్ని ప్రపంచానికి చాటి చెబుతోంది.
Read Also: Iran: చమురు సంక్షోభంపై భారత్కు అండగా రష్యా కీలక ప్రకటన
మంచం కింద దొరికిన చారిత్రక సాక్ష్యం
ఈ లేఖ దొరికిన తీరు కూడా సినిమా స్క్రిప్ట్ను తలపిస్తుంది. రాయల్ లాడ్జ్లో పనిచేసిన బీట్రైస్ స్టిల్మన్ మేనకోడలు జీన్ వెస్టాకాట్ మరణానంతరం, ఆమె మంచం కింద ఉన్న ఒక పాత సూట్కేస్లో ఈ లేఖ లభ్యమైంది. అప్పటి రాయల్ హౌస్హోల్డ్ సిబ్బందితో రాజకుటుంబానికి ఉన్న ఆత్మీయ సంబంధానికి ఈ లేఖ ఒక నిదర్శనంగా నిలిచింది.
జంతువులపై ప్రేమ.. సిబ్బందిపై గౌరవం
పదేళ్ల వయసున్న ఎలిజబెత్ ఈ లేఖలో తన ఇంటి సిబ్బంది స్టిల్మన్ను ఉద్దేశించి ఎంతో ఆప్యాయంగా రాశారు. “పక్షులు బాగున్నాయని, గోల్డ్ ఫిష్ చనిపోలేదని ఆశిస్తున్నాను” అంటూ జంతువుల పట్ల తనకున్న ప్రేమని చాటుకున్నారు. అంతేకాదు, తను తెచ్చిన పువ్వులను మిగిలిన సిబ్బందితో పంచుకోవాలని కోరడం ఆమె ఔదార్యానికి అద్దం పడుతోంది. ఈ లేఖలో ఆమె గీసిన గుర్రాలు, కుక్కల డూడుల్స్ (చిన్న చిత్రాలు) ప్రత్యేక ఆకర్షణగా నిలిచాయి.
మార్గరెట్ నోట్.. భిన్నమైన వ్యక్తిత్వాలు
అదే లేఖలో ఎలిజబెత్ సోదరి ప్రిన్సెస్ మార్గరెట్ రాసిన ఒక చిన్న నోట్ కూడా ఉంది. తన స్విమ్మింగ్ సూట్ గురించి జాగ్రత్తలు చెప్పిన మార్గరెట్ నోట్ ఆమె వ్యక్తిగత విషయాలపై ఉన్న శ్రద్ధను చూపిస్తుంటే, ఎలిజబెత్ లేఖ ఇతరుల పట్ల ఆమెకున్న బాధ్యతను, కరుణను ప్రతిబింబిస్తోంది. అందుకే ఈ లేఖ కేవలం కాగితం ముక్క కాదు, ఒక సుదీర్ఘ సామ్రాజ్యాన్ని పాలించిన రాణి చిన్ననాటి గొప్ప వ్యక్తిత్వానికి ఆవిష్కారం అని నిపుణులు కొనియాడారు.
Read hindi news: hindi.vaartha.com
Epaper: epaper.vaartha.com
Read Also:
