Trump health news : అమెరికా అధ్యక్షుడు డోనాల్డ్ ట్రంప్ (Donald Trump) ఆరోగ్య పరిస్థితిపై సోషల్ మీడియాలో చర్చలు మొదలయ్యాయి. ఇటీవల ఆయన మెడపై ఎర్రటి మచ్చలు కనిపించిన ఫోటోలు వైరల్ కావడంతో నెటిజన్లు ఆందోళన వ్యక్తం చేస్తున్నారు.
ఇటీవల శ్వేతసౌధంలోని ఈస్ట్ రూమ్లో జరిగిన మెడల్ ఆఫ్ ఆనర్ కార్యక్రమంలో పాల్గొన్నప్పుడు ట్రంప్ మెడపై ఈ ఎర్రటి మచ్చలు కనిపించాయి. అక్కడ తీసిన ఫోటోలు సోషల్ మీడియాలో విస్తృతంగా షేర్ అవుతున్నాయి.
ఈ విషయంపై వైట్ హౌస్ అధికారికంగా పెద్దగా స్పందించకపోయినా, ట్రంప్ వాడుతున్న స్కిన్ క్రీమ్ కారణంగానే ఈ ఎర్రటి మచ్చలు కనిపించాయని సమాచారం. ఆయన వ్యక్తిగత వైద్యుడు సీన్ బార్బబెల్లా మాట్లాడుతూ, ఇది సాధారణ ప్రివెంటివ్ స్కిన్ క్రీమ్ వల్ల ఏర్పడిన తాత్కాలిక ప్రభావమని తెలిపారు. కొన్ని వారాల్లో ఈ ఎర్రటి రంగు తగ్గిపోతుందని చెప్పారు.
Read Also: Madhya Pradesh: విద్యార్థుల అరాచకం: యూనిఫాం బెల్టులతో వీధి రౌడీల్లా దాడులు!
ప్రస్తుతం ట్రంప్ వయస్సు 79 సంవత్సరాలు. గతంలో ఆయన చేతులపై కూడా ఇలాంటి ఎర్రటి మచ్చలు కనిపించాయి. అప్పట్లో తాను రక్తాన్ని పలుచగా ఉంచే ఆస్పిరిన్ మందులు తీసుకుంటున్నానని ఆయన వెల్లడించారు. మరోవైపు గతంలో ఆయనకు క్రానిక్ వీనస్ ఇన్సఫిషియన్సీ అనే సమస్య కూడా ఉన్నట్లు వైద్యులు తెలిపారు.
Read hindi news: hindi.vaartha.com
Epaper: epaper.vaartha.com
Read Also:
