Iran Khyber missile : మధ్యప్రాచ్యంలో ఉద్రిక్తతలు రోజురోజుకు పెరుగుతున్న వేళ, ఇరాన్ తన అత్యాధునిక బాలిస్టిక్ క్షిపణి ‘ఖోర్రామ్షహర్-4’ (ఖైబర్)ను రంగంలోకి దింపినట్లు వార్తలు వెలువడుతున్నాయి. అమెరికా-ఇజ్రాయెల్ దాడుల తర్వాత ప్రతీకార చర్యలుగా ఇరాన్ ఈ ఆయుధాన్ని సిద్ధం చేసినట్లు అంతర్జాతీయ రక్షణ విశ్లేషకులు చెబుతున్నారు.
‘ఖోర్రామ్షహర్-4’ నాలుగో తరం బాలిస్టిక్ మిస్సైల్గా పరిగణించబడుతోంది. సుమారు 2,000 కిలోమీటర్ల దూరం ప్రయాణించగల ఈ క్షిపణి 1,500 కిలోల వరకు వార్హెడ్ను మోసుకెళ్లగలదని అంచనా. వాతావరణం వెలుపల మాక్ 16 వరకు వేగం సాధించగలదని, భూమి వైపు తిరిగి ప్రవేశించే సమయంలో మాక్ 8 వేగంతో దూసుకువస్తుందని రిపోర్టులు సూచిస్తున్నాయి. ఇలాంటి వేగాన్ని అడ్డుకోవడం ప్రస్తుత రక్షణ వ్యవస్థలకు సవాలుగా మారవచ్చని విశ్లేషకుల అభిప్రాయం.
Read also: Missile Attack on AliKhamenei: ఖమేనీ కుమార్తె, అల్లుడు మృతి? 40 మంది కమాండర్లు ఖతం
హైపర్గోలిక్ లిక్విడ్ ఇంధన వ్యవస్థ వల్ల వేగంగా (Iran Khyber missile) ప్రయోగించగల సామర్థ్యం కూడా దీనికి ప్రత్యేకతగా చెబుతున్నారు. కాంపాక్ట్ డిజైన్ కారణంగా రాడార్ గుర్తింపును తప్పించుకునే సామర్థ్యం ఉందని కొన్ని రిపోర్టులు పేర్కొంటున్నాయి. అయితే ఈ వివరాలపై స్వతంత్ర ధృవీకరణ పరిమితంగానే ఉంది.
మరోవైపు, అమెరికా తన నౌకాదళాన్ని బలోపేతం చేస్తోంది. అణుశక్తితో నడిచే యుద్ధనౌక USS Abraham Lincoln స్ట్రైక్ గ్రూప్ను ప్రాంతంలో మోహరించినట్లు సమాచారం. అధునాతన గైడెడ్ మిస్సైల్ డిస్ట్రాయర్లు, యుద్ధవిమానాలతో ఈ నౌకాదళం సిద్ధంగా ఉందని చెబుతున్నారు.
ఇరాన్ క్షిపణి సామర్థ్యం మరియు అమెరికా నౌకాదళ మోహరింపు మధ్యప్రాచ్యాన్ని వ్యూహాత్మకంగా అత్యంత ఉద్రిక్త ప్రాంతంగా మార్చాయి. ప్రత్యక్ష యుద్ధం ప్రారంభమవుతుందా? లేదా దౌత్యపరమైన పరిష్కారాలకే ప్రాధాన్యం ఇస్తారా? అన్నది రాబోయే రోజుల్లో స్పష్టమవుతుంది.
hindi news: hindi.vaartha.com
Epaper: epaper.vaartha.com
Read Also:
