LB Nagar Accident: హైదరాబాద్లోని ఎల్బీనగర్ సాగర్ రింగ్ రోడ్డు ఫ్లైఓవర్పై సోమవారం తెల్లవారుజామున ఒక భయంకరమైన రోడ్డు ప్రమాదం జరిగింది. అతి వేగం, మద్యం మత్తు కలిసి ఒక కారును అగ్నిగుండంగా మార్చేశాయి. ప్రాథమిక సమాచారం మేరకు, కొందరు యువకులు మితిమీరిన వేగంతో కారును నడుపుతూ నియంత్రణ కోల్పోయారు. ఈ క్రమంలో ముందు వెళ్తున్న డీసీఎం వ్యాన్ను వెనుక నుండి బలంగా ఢీకొట్టారు. ఈ ఘర్షణ ధాటికి కారు ఫ్లైఓవర్ డివైడర్ను ఢీకొనడంతో ఒక్కసారిగా నిప్పురవ్వలు చెలరేగి, క్షణాల్లో కారు మంటల్లో చిక్కుకుంది.
Read Also: Visakhapatnam Crime: విశాఖలో విద్యుదాఘాతంతో తండ్రీకొడుకుల మృతి
ప్రమాదం జరిగిన వెంటనే కారు ఇంజిన్ భాగం నుండి మంటలు వేగంగా వ్యాపించాయి. స్థానికులు వెంటనే అప్రమత్తమై అగ్నిమాపక కేంద్రానికి సమాచారం అందించారు. ఫైర్ ఇంజన్ ఘటనా స్థలానికి చేరుకుని మంటలను ఆర్పివేసే లోపే కారు అస్థిపంజరంలా మారిపోయింది. అదృష్టవశాత్తూ, కారులో ఉన్న యువకులు మంటలు వ్యాపించకముందే బయటపడటంతో తృటిలో ప్రాణాపాయం తప్పింది. అయితే, వీరికి తీవ్ర గాయాలవ్వడంతో చికిత్స నిమిత్తం ఆసుపత్రికి తరలించారు.
ఈ ప్రమాదం కారణంగా సాగర్ రింగ్ రోడ్డు ఫ్లైఓవర్పై భారీగా వాహనాలు నిలిచిపోయి ట్రాఫిక్ జాం ఏర్పడింది. పోలీసులు ఘటనా స్థలానికి చేరుకుని వాహనాలను పక్కకు తొలగించి రాకపోకలను పునరుద్ధరించారు. మద్యం సేవించి వాహనం నడపడమే ఈ అనర్థానికి ప్రధాన కారణమని పోలీసులు నిర్ధారించారు. నిందితులపై కేసు నమోదు చేసి తదుపరి విచారణ జరుపుతున్నారు.
Read hindi news: hindi.vaartha.com
Epaper: epaper.vaartha.com
Read Also:
