టెక్సాస్ (అమెరికా): అమెరికాలో గన్ కల్చర్ మరోసారి పంజా విసిరింది. టెక్సాస్ స్టేట్ రాజధాని ఆస్టిన్లోని ఒక బార్లో జరిగిన కాల్పుల(Texas Shooting Incident) ఘటన స్థానికంగా తీవ్ర భయాందోళనలకు దారితీసింది. ఈ హింసాత్మక ఘటనలో ముగ్గురు పౌరులు ప్రాణాలు కోల్పోగా, పలువురు తీవ్రంగా గాయపడ్డారు.
Read Also: Suriya 45 Update: ‘విశ్వనాథ్ అండ్ సన్స్’ టైటిల్ అనౌన్స్మెంట్
ఘటన వివరాలు
ఆస్టిన్ నగరంలోని ఒక రద్దీగా ఉండే బార్లోకి ప్రవేశించిన సాయుధుడు ఒక్కసారిగా అక్కడున్న వారిపై కాల్పులకు తెగబడ్డాడు. ఈ మెరుపు దాడిలో ముగ్గురు వ్యక్తులు అక్కడికక్కడే మృతి చెందారు. సమాచారం అందుకున్న పోలీసులు వెంటనే ఘటనా స్థలానికి చేరుకుని నిందితుడిని అడ్డుకునే ప్రయత్నం చేశారు.
పోలీసుల ఎదురుకాల్పులు – నిందితుడు హతం
పోలీసులు సాయుధుడిని లొంగిపోవాలని కోరినప్పటికీ, అతడు పోలీసులపైకి కాల్పులు జరిపాడు. ఈ క్రమంలో పోలీసులు జరిపిన ఎదురుకాల్పుల్లో నిందితుడు స్పాట్లోనే మృతి చెందాడు. దీంతో ఈ ఘటనలో మొత్తం మృతుల సంఖ్య నలుగురికి చేరింది. ఈ కాల్పుల్లో మొత్తం 14 మందికి గాయాలయ్యాయి. వారిని తక్షణమే సమీపంలోని ఆసుపత్రులకు తరలించారు. వీరిలో మరో ముగ్గురి పరిస్థితి అత్యంత విషమంగా ఉన్నట్లు వైద్యులు తెలిపారు. దీంతో మృతుల సంఖ్య మరింత పెరిగే అవకాశం ఉందని అధికారులు ఆందోళన వ్యక్తం చేస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
