Thalapathy Vijay: తమిళ చిత్ర పరిశ్రమలో అగ్ర నటుడిగా వెలుగొంది, ఇటీవల ‘తమిళగ వెట్రి కళగం’ (TVK) పార్టీతో రాజకీయ ప్రవేశం చేసిన దళపతి విజయ్ ప్రస్తుతం వార్తల్లో నిలుస్తున్నారు. రాబోయే తమిళనాడు అసెంబ్లీ ఎన్నికలే లక్ష్యంగా దూసుకుపోతున్న ఆయనకు, అటు రాజకీయంగా ఇటు వ్యక్తిగతంగా వరుస సవాళ్లు ఎదురవుతున్నాయి.
Read Also: CJI visit AP: కోర్టు భవనాల సముదాయానికి భారత ప్రధాన న్యాయమూర్తి భూమి పూజ
సరికొత్త రాజకీయాల దిశగా విజయ్ అడుగులు
తమిళనాడు రాజకీయాల్లో మార్పు తెస్తానని ప్రకటించిన విజయ్, ఇప్పటికే అధికార డీఎంకే ,ప్రతిపక్ష బీజేపీలను లక్ష్యంగా చేసుకుని విమర్శలు గుప్పిస్తున్నారు. తన పార్టీ విధివిధానాలతో అందరినీ ఆశ్చర్యపరిచిన ఆయన, క్షేత్రస్థాయిలో ప్రచారాన్ని ముమ్మరం చేశారు. అయితే, రాజకీయాల్లో సంచలనాలు సృష్టించాలనే లక్ష్యంతో ఉన్న విజయ్కు కొన్ని పరిణామాలు మింగుడు పడటం లేదు.
విడాకుల వార్తలు – నెట్టింట జోరుగా చర్చ
విజయ్ నుంచి విడాకులు కోరుతూ ఆయన భార్య కోర్టును ఆశ్రయించడం ఇప్పుడు తీవ్ర చర్చనీయాంశంగా మారింది. గతేడాది సెప్టెంబర్ 27వ తేదీన జరిగిన కరూర్ తొక్కిసలాట ఘటన.. తర్వాత వరుసగా గత 6 నెలలుగా ఏదో ఒక సంఘటన 27వ తేదీన జరుగుతూనే ఉంది. ఈ నేపథ్యంలోనే ఈ 27 సంఖ్యకు, విజయ్కి మధ్య ఏదో లింక్ ఉందంటూ సోషల్ మీడియాలో నెటిజన్లు పోస్ట్ చేస్తున్నారు.
- సెప్టెంబర్ 27 – కరూర్ తొక్కిసలాట ఘటన
- అక్టోబర్ 27 – కరూర్ తొక్కిసలాట బాధితులను చెన్నైలో విజయ్ కలిసిన రోజు
- నవంబర్ 27 – టీవీకేలో చేరిన సెంగొట్టయ్యన్
- డిసెంబర్ 27 – జననాయగన్ ఆడియో లాంచ్
- జనవరి 27 – మళ్లీ విచారణకు జననాయగన్ కేసు
- ఫిబ్రవరి 27 – విజయ్తో విడాకుల కోసం కోర్టుకెక్కిన ఆయన భార్య సంగీత
- ఆసక్తికరంగా విజయ్-సంగీత పెళ్లి జరిగి 27 ఏళ్లు కావడం గమనార్హం.
పెళ్లి అయిన 27 ఏళ్ల తర్వాత.. ఇటీవలె సంగీత విడాకులు కావాలంటూ చెంగల్పట్టు జిల్లా కోర్టులో పిటిషన్ దాఖలు చేశారు. ఈ ఘటనలు అన్నీ 27వ తేదీనే జరుగుతుండటం యాదృచ్ఛికమా లేక దీని వెనుక ఏదైనా అనుబంధం ఉందా అనే ప్రశ్నలు ఇప్పుడు సోషల్ మీడియాలో నెటిజన్లు పోస్టులు పెడుతున్నారు.
Read hindi news: hindi.vaartha.com
Epaper: epaper.vaartha.com
Read Also:
