Sanath Jayasuriya: శ్రీలంక క్రికెట్ దిగ్గజం సనత్ జయసూర్య అనూహ్య నిర్ణయం తీసుకున్నారు. లంక జట్టు ప్రధాన కోచ్ బాధ్యతల నుంచి తాను తప్పుకుంటున్నట్లు ఆయన అధికారికంగా ప్రకటించారు. ఇటీవల జరిగిన టీ20 ప్రపంచకప్లో శ్రీలంక జట్టు ఆశించిన స్థాయిలో రాణించలేకపోవడం, కనీసం సెమీఫైనల్కు చేరకుండానే సూపర్-8 దశలోనే వెనుదిరగడంతో జయసూర్య ఈ కఠిన నిర్ణయం తీసుకున్నట్లు సమాచారం. ఈ రాజీనామాతో శ్రీలంక క్రికెట్ బోర్డు (SLC) ఇప్పుడు కొత్త కోచ్ కోసం వేట ప్రారంభించింది.
Read Also:T20 World Cup 2026: టీ20 వరల్డ్ కప్పై యుద్ధ సెగ
నిజానికి జయసూర్య 2024లో శ్రీలంక జట్టు కోచ్గా బాధ్యతలు స్వీకరించారు. ఆయన ఒప్పందం జూన్ 2026 వరకు ఉన్నప్పటికీ, జట్టు వైఫల్యానికి నైతిక బాధ్యత వహిస్తూ రెండేళ్ల ముందే పదవిని వదులుకున్నారు. జయసూర్య నేతృత్వంలో శ్రీలంక జట్టు మొత్తం 76 అంతర్జాతీయ మ్యాచ్లు ఆడింది. ఇందులో 36 మ్యాచ్ల్లో విజయం సాధించగా, మిగిలిన వాటిలో పరాజయాలను మూటగట్టుకుంది. ఆయన హయాంలో జట్టు కొన్ని చిరస్మరణీయ విజయాలు సాధించినప్పటికీ, ప్రపంచకప్ వంటి మెగా టోర్నీల్లో ఘోర వైఫల్యం ఆయన నిష్క్రమణకు దారితీసింది.
Read hindi news: hindi.vaartha.com
Epaper: epaper.vaartha.com
Read Also:
