టాలీవుడ్ రెబల్ స్టార్ ప్రభాస్, సెన్సేషనల్ డైరెక్టర్ పూరీ జగన్నాథ్ కాంబినేషన్ అంటేనే ఒక ప్రత్యేకమైన వైబ్. ఇటీవల ఒక ఇంటర్వ్యూలో ప్రభాస్ తన కెరీర్లోని అండర్ రేటెడ్ జెమ్స్ అయిన ‘బుజ్జిగాడు’, ‘ఏక్ నిరంజన్’ సినిమాల గురించి, పూరీ జగన్నాథ్ మేకింగ్ స్టైల్ గురించి ఆసక్తికర వ్యాఖ్యలు చేశారు.
ప్రభాస్ తన కెరీర్లో చేసిన సినిమాల్లో ‘బుజ్జిగాడు’ ఒక టర్నింగ్ పాయింట్ అని చెప్పవచ్చు. ఈ సినిమా గురించి ప్రభాస్ మాట్లాడుతూ.. పూరీ జగన్నాథ్ తనకు ఆ క్యారక్టర్ చెప్పినప్పుడు మొదట చాలా కంగారు పడ్డానని వెల్లడించారు. అప్పటివరకు సీరియస్ రోల్స్ చేసిన తనకు, ఆ క్యారక్టర్లోని ఎనర్జీని ఎలా పట్టుకోవాలో అర్థం కాలేదని, కానీ పూరీ రాసిన విధానం చూసి పిచ్చెక్కిపోయిందని అన్నారు. ఆ పాత్రలో తాను ఎంతలా లీనమైపోయానంటే, బయట ఎవరితో మాట్లాడుతున్నా తెలియకుండానే బుజ్జిగాడి మేనరిజమ్స్ వచ్చేసేవని ప్రభాస్ గుర్తు చేసుకున్నారు. పూరీ క్యారక్టర్ డిజైనింగ్ అద్భుతమని, దాన్ని ఎవరూ ఇమిటేట్ చేయలేరని ఆయన స్పష్టం చేశారు.
India terror conspiracy news : చంచల్గూడ జైలు నుంచే కుట్ర? హైదరాబాద్లో లష్కరే యత్నం
‘ఏక్ నిరంజన్’ సినిమా ఆశించిన స్థాయిలో ఆడకపోయినా, అందులోని డైలాగ్ డెలివరీ ప్రభాస్కు ఎంతో పేరు తెచ్చిపెట్టింది. ముఖ్యంగా హీరోయిన్తో చెప్పే “బాధ వస్తే ఎవడైనా ఏడుస్తాడు” అనే డైలాగ్ తనకెంతో ఇష్టమని ప్రభాస్ చెప్పారు. మగవాళ్లు కూడా ఏడుస్తారా అన్న ప్రశ్నకు పూరీ ఇచ్చిన సమాధానం చాలా సహజంగా ఉంటుందని ఆయన ప్రశంసించారు. అంతేకాకుండా, ఈ సినిమాలోని విలన్ డైలాగులు ఎంత బాగుంటాయంటే.. బాలీవుడ్ చిత్రం ‘దబాంగ్’ కోసం సోనూ సూద్ స్వయంగా పూరీకి ఫోన్ చేసి ఆ డైలాగ్స్ వాడుకుంటామని అడిగారట. దానికి పూరీ ఎంతో ఉదారంగా ఓకే చెప్పడం ఆయన వ్యక్తిత్వానికి నిదర్శనమని ప్రభాస్ పేర్కొన్నారు.
పూరీ జగన్నాథ్ డైలాగ్స్ రాసే విధానంపై ప్రభాస్ ప్రశంసల వర్షం కురిపించారు. ఇండియాలోనే కాదు, ప్రపంచవ్యాప్తంగా ఆయనలా రైటింగ్, క్యారక్టర్ డిజైనింగ్ చేసేవారు ఎవరూ లేరని ప్రభాస్ అభిప్రాయపడ్డారు. ఒక నటుడికి పూరీ ఇచ్చే డైలాగ్ అంత బలంగా ఉంటుందని, దాన్ని చెబితే నేచురల్గా వచ్చేస్తుందని అన్నారు. కేవలం హీరోలనే కాదు, విలన్లను కూడా పూరీ విభిన్నంగా చూపిస్తారని, ఆయనది ఒక డిఫరెంట్ స్టైల్ అని ప్రభాస్ వెల్లడించారు. ప్రస్తుతం ప్రభాస్ చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి, దీంతో ప్రభాస్-పూరీ కాంబోలో మరో సినిమా వస్తే బాగుంటుందని అభిమానులు ఆశిస్తున్నారు.
Read hindi news: hindi.vaartha.com
Read Also Epaper : epaper.vaartha.com
