Allu Arjun Charge Sheet Rejection: హైదరాబాద్లోని ఆర్టీసీ క్రాస్ రోడ్స్ సంధ్య థియేటర్ వద్ద జరిగిన తొక్కిసలాట ఘటనలో సినీ నటుడు అల్లు అర్జున్కు సంబంధించి కీలక పరిణామం చోటుచేసుకుంది. ఈ కేసులో పోలీసులు దాఖలు చేసిన ఛార్జ్షీట్ను నాంపల్లి కోర్టు తిరస్కరించింది. అల్లు అర్జున్తో పాటు మొత్తం 23 మందిని నిందితులుగా చేరుస్తూ పోలీసులు రూపొందించిన ఈ పత్రాల్లో తీవ్రమైన లోపాలున్నట్లు కోర్టు నిర్ధారించింది.
Read Also: Cock Tail 2: కృతి సనన్, రష్మిక పాత్రలపై షాకింగ్ అప్డేట్?
సాంకేతిక లోపాలే కారణం.. ఆధారాలు ఎక్కడ?
ఛార్జ్షీట్ను తిరస్కరించడానికి గల కారణాలను కోర్టు స్పష్టంగా పేర్కొంది. పోలీసులు సమర్పించిన ఫైల్లో హార్డ్ డిస్క్లు, సీడీలు,పెన్డ్రైవ్లు వంటి కీలకమైన ఎలక్ట్రానిక్ ఆధారాలను జతపరచలేదని ధర్మాసనం అసహనం వ్యక్తం చేసింది. కేవలం ఆరోపణలు చేయడమే కాకుండా, వాటిని బలపరిచే సాంకేతిక ఆధారాలను కోర్టుకు సమర్పించడంలో పోలీసులు వైఫల్యం చెందారని న్యాయస్థానం అభిప్రాయపడింది.
మూడోసారి రిటర్న్.. పోలీసుల దర్యాప్తుపై ప్రశ్నలు
నిజానికి ఈ ఛార్జ్షీట్ను కోర్టు రిటర్న్ చేయడం ఇది మొదటిసారి కాదు. ఇదివరకే రెండుసార్లు వివిధ కారణాలతో కోర్టు దీనిని పోలీసులకు వెనక్కి పంపింది. ఇప్పుడు మూడోసారి కూడా సాంకేతిక కారణాలతో తిరస్కరణకు గురికావడం పోలీసుల దర్యాప్తు తీరుపై చర్చకు దారితీస్తోంది. పుష్ప-2 సినిమా ప్రీమియర్ షో సమయంలో జరిగిన ఈ దురదృష్టకర ఘటనలో ఒక మహిళ మృతి చెందిన విషయం తెలిసిందే.
Read hindi news: hindi.vaartha.com
Read Also Epaper : epaper.vaartha.com
Read Also:
