Yash Toxic Movie Update: హాలీవుడ్ రేంజ్లో ‘టాక్సిక్’: టీజర్ విడుదలకు ముహూర్తం ఖరారు
‘కేజీఎఫ్’ సిరీస్తో పాన్ ఇండియా స్థాయిలో సంచలనం సృష్టించిన రాకింగ్ స్టార్ యశ్, ఇప్పుడు తన తదుపరి చిత్రం ‘టాక్సిక్’ (Toxic)తో ప్రేక్షకులను అలరించడానికి సిద్ధమవుతున్నారు. ఇప్పటికే విడుదలైన హీరో ఇంట్రడక్షన్ వీడియో సినిమాపై భారీ అంచనాలను పెంచగా, తాజాగా చిత్రబృందం మరో క్రేజీ అప్డేట్ ఇచ్చింది. రేపు ‘టాక్సిక్’ టీజర్ను విడుదల చేయనున్నట్లు ప్రకటించి అభిమానుల్లో జోష్ నింపింది.
Read Also: Rana daggubati health : ఆరోగ్య సమస్యతో అమెరికాలో సర్జరీ చేయించుకున్న రానా
రిలీజ్ డేట్ ఫిక్స్: 2026 మార్చి 19న థియేటర్లలోకి..
ఈ భారీ యాక్షన్ ఎంటర్టైనర్ విడుదల తేదీపై నెలకొన్న ఉత్కంఠకు తెరదించుతూ మేకర్స్ అధికారిక ప్రకటన చేశారు. ‘టాక్సిక్’ మూవీని మార్చి 19, 2026న ప్రపంచవ్యాప్తంగా ఘనంగా విడుదల చేయనున్నట్లు వెల్లడించారు. హాలీవుడ్ ప్రమాణాలతో రూపొందుతున్న ఈ చిత్రం బాక్సాఫీస్ వద్ద కొత్త రికార్డులను సృష్టించడం ఖాయమని సినీ విశ్లేషకులు భావిస్తున్నారు.
గీతూ మోహన్దాస్ దర్శకత్వంలో యశ్ విశ్వరూపం
విలక్షణ దర్శకురాలు గీతూ మోహన్దాస్ ఈ చిత్రానికి దర్శకత్వం వహిస్తున్నారు. ‘కేజీఎఫ్’ తర్వాత యశ్ నటిస్తున్న సినిమా కావడంతో, అతని లుక్ మరియు క్యారెక్టరైజేషన్ ఎలా ఉండబోతుందనే దానిపై ఇండస్ట్రీలో పెద్ద ఎత్తున చర్చ జరుగుతోంది. ఈ సినిమాతో యశ్ తన గ్లోబల్ ఇమేజ్ను మరో స్థాయికి తీసుకెళ్తారని చిత్ర యూనిట్ ధీమా వ్యక్తం చేస్తోంది.
Read hindi news: hindi.vaartha.com
Read Also Epaper : epaper.vaartha.com
Read Also:
