శరీరంలో చెడు కొలెస్ట్రాల్ (LDL) అధికమైతే రక్తనాళాల్లో కొవ్వు పేరుకుపోతుంది. దీనివల్ల రక్తప్రసరణ సరిగా జరగదు. రక్తం ద్వారా ఆక్సిజన్, పోషకాలు గోళ్లకు సరిగా చేరకపోతే గోళ్ల సహజ గులాబీ రంగు తగ్గుతుంది. గోళ్లు తెల్లగా లేదా పాలిపోయినట్లుగా కనిపించవచ్చు. కొన్నిసార్లు గోళ్ల ఉపరితలం పలుచగా మారి బలహీనంగా కనిపిస్తుంది. ఇది శరీరంలో రక్తప్రసరణ సమస్యకు సంకేతం కావచ్చు.
Read also: Sprouts Benefits: బరువు తగ్గాలనుకునేవారికి ఇది సూపర్ ఫుడ్
These symptoms on the nails indicate high cholesterol
గోళ్లపై కనిపించే ప్రధాన లక్షణాలు
అధిక కొలెస్ట్రాల్ కారణంగా గోళ్లపై నిలువు గాట్లు (Onychorrhexis) ఏర్పడే అవకాశం ఉంటుంది. గోళ్లు సరిగా పెరగకపోవడం, అంచులు విరిగిపోవడం కనిపించవచ్చు. కొందరిలో గోళ్లు ఒంకరగా లేదా అసమానంగా మారుతాయి. తీవ్ర స్థితిలో రక్తంలో ఆక్సిజన్ సరఫరా తగ్గితే గోళ్లు నీలం లేదా ఊదా రంగులోకి మారవచ్చు. ఇవి నిర్లక్ష్యం చేయకూడని హెచ్చరిక సంకేతాలు.
ఎప్పుడు పరీక్షలు చేయించుకోవాలి?
గోళ్లలో మార్పులు ఎక్కువ రోజులు కొనసాగితే వైద్యుడిని సంప్రదించడం మంచిది. లిపిడ్ ప్రొఫైల్ పరీక్ష ద్వారా రక్తంలో కొలెస్ట్రాల్ స్థాయిలను తెలుసుకోవచ్చు. సమతుల ఆహారం, వ్యాయామం, ఒత్తిడి నియంత్రణ ద్వారా కొలెస్ట్రాల్ను నియంత్రించవచ్చు. ప్రారంభ దశలో గుర్తిస్తే గుండె సంబంధిత సమస్యల నుంచి దూరంగా ఉండొచ్చు.
అధిక కొలెస్ట్రాల్ నియంత్రణకు సూచనలు
- నూనె, ఫ్రై చేసిన ఆహారం తగ్గించాలి
- ఆకుకూరలు, ఫైబర్ ఉన్న ఆహారం ఎక్కువగా తీసుకోవాలి
- రోజూ కనీసం 30 నిమిషాలు నడక లేదా వ్యాయామం చేయాలి
- ధూమపానం, మద్యపానం నివారించాలి
- వైద్యుడి సూచనల ప్రకారం మందులు తీసుకోవాలి
Read hindi news: hindi.vaartha.com
Epaper: epaper.vaartha.com
Read Also:
