AP: ప్రైవేట్ పాఠశాలల్లో 25% ఉచిత సీట్లు

ఆంధ్రప్రదేశ్(AP) రాష్ట్రంలో విద్యాహక్కు చట్టం (Right to Education Act – RTE) ప్రకారం ప్రైవేట్ పాఠశాలల్లో ఒకటో తరగతిలో పేద మరియు సామాజికంగా వెనుకబడిన వర్గాల పిల్లలకు 25 శాతం సీట్లు ఉచితంగా కేటాయించేందుకు ప్రభుత్వం నోటిఫికేషన్ విడుదల చేసింది. ఈ పథకం ద్వారా ఆర్థికంగా వెనుకబడిన కుటుంబాల పిల్లలకు మంచి ప్రైవేట్ విద్యా సౌకర్యాలు అందించాలన్నది ప్రభుత్వ లక్ష్యం.

దరఖాస్తు తేదీలు & విధానం

అర్హత ఉన్న తల్లిదండ్రులు లేదా సంరక్షకులు ఫిబ్రవరి 20 నుంచి మార్చి 10 వరకు అధికారిక వెబ్‌సైట్ https://cse.ap.gov.in/ ద్వారా ఆన్‌లైన్‌లో దరఖాస్తు చేసుకోవచ్చు.
దరఖాస్తు ప్రక్రియ పూర్తిగా డిజిటల్ విధానంలో ఉంటుంది.

సీట్ల కేటాయింపు విధానం

సీట్లను లాటరీ పద్ధతిలో కేటాయిస్తారు. ఇందుకు సంబంధించి మార్చి 25 మరియు ఏప్రిల్ 12 తేదీల్లో లక్కీ డ్రా నిర్వహించనున్నారు. లాటరీ ద్వారా ఎంపికైన(AP) విద్యార్థులకు సంబంధిత ప్రైవేట్ పాఠశాలల్లో ఉచితంగా అడ్మిషన్ కల్పిస్తారు. ఈ పథకంలో అనాథ పిల్లలు, దివ్యాంగ విద్యార్థులు, SC, ST, BC వర్గాలకు ప్రభుత్వ రిజర్వేషన్ విధానం ప్రకారం ప్రాధాన్యం ఇవ్వనున్నారు. దీంతో పాటు ఆర్థికంగా బలహీన వర్గాల (EWS) పిల్లలకు కూడా అవకాశం ఉంటుంది.