టాస్క్ ఫోర్స్కు చిక్కిన నేరగాడు
హైదరాబాద్ : వ్యాయామశాలల్లో దేహదారుఢ్యం పెంచుకునేందుకు యువకులు కసరత్తులు చేయడం తెలిసిందే. (TG) అయితే ఇదే సమయంలో కొందరు కృత్రిమంగా కండలు పెంచుకునేందుకు అడ్డదారులు తొక్కుతుండడం తరచూ వెలుగు చూస్తోంది. ఇందుకు గానూ ప్రమా దకరమైన స్టెరాయిడ్ ఇంజక్షన్లను వాడుతున్నారు. వీటిని కొందరు నేరగాళ్లు జింల నిర్వాహకులకు లేదా కసరత్తులు చేసే యువకులకే అమ్ముతున్నారు. వీటిని సర్కారు చాలాకాలం క్రితమే నిషేధించినా అమ్మకాలు మాత్రం కొనసాగుతూనే వున్నాయి. ఈ క్రమంలో అనేకసార్లు అనేక మంది నేరగాళ్లు పట్టుబడగా పశ్చిమ మండల టాస్క్ఫోర్స్ పోలీసులకు మరో నేరగాడు చిక్కాడు. ఇతని వద్ద నుంచి పెద్ద సంఖ్యలో స్టెరాయిడ్ ఇంజక్షన్లను జప్తు చేశారు. దీనికి సంబంధించిన వివరాలను టాస్క్ ఫోర్స్ అదనపు డిసిపి ఇక్బాల్ సిద్ధిఖీ సోమవారం మీడియాకు వెల్లడించారు.
Read Also: TG: భూమిలో ఫెస్టిసైడ్స్ ను తొలగించే కొత్త టెక్నాలజీ
నిషేధిత ఇంజక్షన్ల అక్రమ సరఫరా
(TG) పాతబస్తీలో ని కిషన్బాగ్కు చెందిన మహమ్మద్ ఫైసల్ ఖాన్ (25) ఓ ప్రైవేటు కార్మికుడు. ఫర్నీచర్ దుకాణంలో పనిచేసే ఇతను తన సంపాదనతో కుటుంబ పోషణ కష్టం అవడంతో అడ్డదారి తొక్కాడు. తనకు పరిచయం వున్న మెడికల్ షాప్ల నిర్వాహకుల నుంచి అక్రమంగా మెఫెం టర్మైన్ సల్పేట్ 30 ఎంజి అనే స్టెరాయిడ్ ఇంజక్షన్లను (injections) తక్కువ ధరకు కొనుగోలు చేసేవాడు. ఆనంతరం వీటిని తనకు తెలిసిన జిం నిర్వాహకులతో పాటు కసరత్తు లు చేసే యువకులకు ఎక్కువ ధరకు అమ్మేవాడు.
వాస్తవానికి ఇలాంటి ఇంజక్షన్లు వాడడం వల్ల ఆరోగ్యం పాడవడంతో పాటు కొన్నిసార్లు మరణం సంభవిస్తుంది. వీటిని వాడి ఆనారోగ్యం పాలైన వారు, చనిపోయిన వారు కూడా వున్నారు. కాగా ఫైసల్ ఖాన్పై నిఘా వుంచిన పశ్చిమ మండల పోలీసులు అతన్ని సోమవారం నాడు అత్తాపూర్ పరిధిలో పట్టుకున్నారు. ఈ సందర్భంగా ఇతని వద్ద నుంచి 133 మెఫెంటర్మైన్ సల్ఫేట్ 30 ఎంజి ఇంజక్షన్లతో పాటు 100 డిస్పోసల్ సిరంజీలు, ఒక సెల్ఫోను జప్తు చేశారు. పట్టుబడ్డ స్టెరాయిడ్ ఇంజక్షన్ల విలువ లక్షా 60 వేల రూపాయ లుగా నిర్ధారించారు. నిందితుడిని తదువరి విచారణ నిమిత్తం అత్తాపూర్ పోలీసులకు అప్పగించారు.
Read hindi news: hindi.vaartha.com
Epaper: epaper.vaartha.com
Read Also:
