Anant Ambani watch : అనంత్ అంబానీ కోసం ప్రత్యేకంగా డిజైన్ చేసిన ఓ లగ్జరీ ట్రిబ్యూట్ వాచ్ ప్రస్తుతం సోషల్ మీడియాలో హాట్ టాపిక్గా మారింది. ఈ వాచ్ ధర వింటే ఎవరికైనా షాక్ తగలాల్సిందే. అంతర్జాతీయ మార్కెట్ అంచనాల ప్రకారం దీని విలువ సుమారు 1.5 మిలియన్ డాలర్లు, అంటే భారత కరెన్సీలో దాదాపు రూ.12.5 కోట్లు.
రిలయన్స్ వారసుడైన అనంత్ అంబానీకి ఖరీదైన, అరుదైన వాచీలపై ఉన్న ఆసక్తి తెలిసిందే. ఇప్పటికే ఆయన కలెక్షన్లో ప్రపంచంలోనే అత్యంత రేర్గా గుర్తింపు పొందిన పలు లగ్జరీ వాచీలు ఉన్నాయి. తాజాగా ఆయన వ్యక్తిత్వాన్ని ప్రతిబింబించేలా తయారు చేసిన ఈ ప్రత్యేక ట్రిబ్యూట్ వాచ్ నెటిజన్లను విపరీతంగా ఆకట్టుకుంటోంది.
Read Also: IND vs NZ: టాస్ గెలిచిన న్యూజిలాండ్
ఈ వాచ్లో అత్యంత ఆసక్తికరమైన విషయం (Anant Ambani watch) ఏమిటంటే, డయల్ లోపల అనంత్ అంబానీని పోలి ఉన్న ఒక సూక్ష్మ బొమ్మ ఉంటుంది. అత్యాధునిక టెక్నాలజీతో పాటు చేతితో చెక్కిన ఈ బొమ్మ, వాచ్ తిరుగుతున్నప్పుడు కదులుతున్నట్లు అనిపించేలా రూపొందించారు. ఈ డిజైన్ మొత్తం ఆయన అభిరుచులు, వ్యక్తిత్వాన్ని దృష్టిలో పెట్టుకుని చేసినట్టుగా సమాచారం.
వాచ్ తయారీలో 18 క్యారెట్ల బంగారం, ప్లాటినం, అలాగే అత్యంత విలువైన రత్నాలను ఉపయోగించారు. డయల్పై ఉన్న పెయింటింగ్, చిన్న బొమ్మను తయారు చేయడానికి నిపుణులైన కళాకారులు వందల గంటల పాటు శ్రమించినట్టు తెలుస్తోంది. ముఖ్యంగా, ఈ వాచ్ ఒక్కటే ముక్కగా (one-of-a-kind) తయారు చేయబడినది కావడంతో, ప్రపంచంలో ఇంకెవరికీ ఇది ఉండదు.
గతంలో అనంత్ అంబానీ ప్రీ-వెడ్డింగ్ వేడుకల్లో ధరించిన పాటెక్ ఫిలిప్, రిచర్డ్ మిల్ వంటి లగ్జరీ వాచీలు అంతర్జాతీయంగా సంచలనం సృష్టించాయి. ఇప్పుడు ఈ కొత్త ట్రిబ్యూట్ వాచ్ ఆయన వాచ్ కలెక్షన్లోనే అత్యంత ప్రత్యేకమైనదిగా నిలవనుందని అభిమానులు భావిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
