Operation Trackdown: యువతను తప్పుదోవ పట్టించే గన్ కల్చర్, మాదకద్రవ్యాల వినియోగం, గ్యాంగ్స్టర్ జీవనశైలిని ప్రోత్సహించే పాట(Song ban)లపై ప్రభుత్వం, న్యాయవ్యవస్థలు కఠినంగా వ్యవహరిస్తున్నాయి. ఈ నేపథ్యంలో హర్యానా పోలీసులు తాజాగా 67 వివాదాస్పద పాటలపై నిషేధం విధించారు. ఆయా పాటలను డిజిటల్ వేదికల నుంచి పూర్తిగా తొలగించారు.
Read Also: Nitin Nabin: బీజేపీ జాతీయ అధ్యక్షుడిగా ఈ నెల 20న బాధ్యతలు
డీజీపీ అజయ్ సింఘాల్ హెచ్చరిక
గ్యాంగ్ సంస్కృతిని అతిశయంగా ప్రదర్శించడం, హింసాత్మక భావాలను రెచ్చగొట్టడం వంటి కారణాలతో ఈ నిర్ణయం తీసుకున్నట్లు అధికారులు తెలిపారు. ఇలాంటి కంటెంట్ను సోషల్ మీడియాలో పంచుకునేవారిపైనా కఠిన పర్యవేక్షణ ఉంటుందని పోలీసులు హెచ్చరించారు. ‘ఆపరేషన్ ట్రాక్డౌన్’ పేరిట ఈ ప్రత్యేక చర్యలు చేపట్టినట్లు హర్యానా డీజీపీ అజయ్ సింఘాల్ వెల్లడించారు.
హింసను ప్రోత్సహించే పాటలపై కఠిన నిర్ణయం
అధికారుల మాటల్లో, ఈ చర్యల ఉద్దేశ్యం అభివ్యక్తి స్వేచ్ఛను అడ్డుకోవడం కాదు, యువతలో పెరుగుతున్న హింసాత్మక ధోరణులను నియంత్రించడమేనని స్పష్టం చేశారు. సంగీతం, వినోదం పేరుతో నేరాలకు గ్లోరిఫికేషన్ చేయడం సమాజానికి ప్రమాదకరంగా మారుతోందని, భవిష్యత్లో కూడా ఇలాంటి కంటెంట్ను గుర్తించి తొలగించే ప్రక్రియ కొనసాగుతుందని తెలిపారు. ప్రజలు బాధ్యతాయుతంగా డిజిటల్ మీడియాను వినియోగించాలని పోలీసులు సూచించారు.
Read hindi news: hindi.vaartha.com
Epaper: epaper.vaartha.com
Read Also:
