Hindu Rituals: సూర్యుడు మకర రాశిలో ప్రవేశించే సమయంలో పితృదేవతలు భూమిపై తమ సంతానాన్ని ఆశీర్వదించేందుకు సమీపిస్తారని పురాణ విశ్వాసం. ఈ శుభ ఘడియల్లో నిర్వహించే ‘స్వయంపాకం’ లేదా పితృదానం నేరుగా పూర్వీకులకు చేరుతుందని భక్తులు నమ్ముతారు. అందుకే మకర సంక్రాంతి సందర్భంగా ఈ సంప్రదాయానికి ప్రత్యేక ప్రాధాన్యం ఉంది.
Read Also: Makar Sankranti: పండుగలో శుభఫలితాల కోసం పాటించాల్సిన ఆచారాలు
పితృదేవతల అనుగ్రహం కోసం సంక్రాంతి
భాద్రపద మాసంలో వచ్చే పితృ పక్షాల మాదిరిగానే, సంక్రాంతి నాడు పెద్దలకు సమర్పించే బియ్యం వంశాభివృద్ధికి, కుటుంబ సంక్షేమానికి దోహదపడుతాయని శాస్త్రాలు చెబుతున్నాయి. గ్రామీణ ప్రాంతాల్లో ఈ ఆచారాన్ని ‘పెద్దల బియ్యం’(Peddaala Biyyam) లేదా ‘స్వయంపాకం’గా పిలుస్తారు.
ఈ సంప్రదాయం ప్రకారం కొత్తగా పండిన బియ్యం, కందిపప్పు, బెల్లం, అరటికాయలు, చిలకడదుంపలు, అలాగే కాలానుగుణ కూరగాయలను దక్షిణ తాంబూలంతో కలిసి బ్రాహ్మణులకు లేదా అవసరమైన పేదలకు దానం చేస్తారు. ఇలా దానం చేయడం వల్ల పితృదేవతల అనుగ్రహం కలిగి, కుటుంబంలో సుఖసంతోషాలు నెలకొంటాయని విశ్వాసం.
పెద్దలను స్మరించుకుంటూ నిర్వహించే ఈ ఆచారం ద్వారా మన సంస్కృతి, సంప్రదాయాల విలువలు తదుపరి తరాలకు చేరుతాయని పండితులు చెబుతున్నారు. ఆధునిక జీవనశైలిలోనూ ఈ ఆచారాన్ని కొనసాగించడం ద్వారా మన మూలాలను గుర్తు చేసుకునే అవకాశం లభిస్తుందని భక్తులు భావిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
