Venezuela Maduro arrest : నికోలస్ మదురోను అమెరికా బలవంతంగా బంధించిన తర్వాత వెనెజువెలాలో రాజకీయ పరిస్థితులు తీవ్రంగా మారాయి. అమెరికా సైన్యం కారకాస్పై దాడి చేసి మదురోను, ఆయన భార్య సిలియా ఫ్లోరెస్ను అదుపులోకి తీసుకున్న నేపథ్యంలో దేశంలో తాత్కాలిక అధికార ఖాళీ ఏర్పడింది. ఈ పరిస్థితుల్లో ఉపాధ్యక్షురాలిగా ఉన్న డెల్సీ రోడ్రిగ్జ్ తాత్కాలిక అధ్యక్షురాలిగా బాధ్యతలు చేపట్టారు.
తాత్కాలిక అధ్యక్షురాలిగా బాధ్యతలు స్వీకరించిన డెల్సీ రోడ్రిగ్జ్ అమెరికాతో సమతుల్యమైన, పరస్పర గౌరవంతో కూడిన సంబంధాలు కావాలని పిలుపునిచ్చారు. అమెరికా ప్రభుత్వంతో సహకారంతో అభివృద్ధి లక్ష్యంగా ముందుకు వెళ్లాలని ఆమె టెలిగ్రామ్ ద్వారా పేర్కొన్నారు. అయితే అదే సమయంలో అమెరికా సైనిక దాడులను ఆమె తీవ్రంగా ఖండించారు. వెనెజువెలా సహజ వనరులను రక్షించుకుంటామని, దేశ సార్వభౌమత్వంపై రాజీ పడబోమని స్పష్టం చేశారు.
ఇదిలా ఉండగా, అమెరికా అధ్యక్షుడు డొనాల్డ్ ట్రంప్ డెల్సీ రోడ్రిగ్జ్కు కఠిన హెచ్చరిక జారీ చేశారు. ఆమె సరైన నిర్ణయాలు తీసుకోకపోతే మదురోకంటే పెద్ద మూల్యం చెల్లించాల్సి వస్తుందని ట్రంప్ హెచ్చరించారు. ఒక ఇంటర్వ్యూలో మాట్లాడుతూ, వెనెజువెలాలో జరుగుతున్న పరిణామాలు దేశానికి మేలు చేస్తాయని, ప్రస్తుత పరిస్థితులకంటే చెడ్డది ఉండదని ఆయన వ్యాఖ్యానించారు.
Read also: AP: త్వరలో అన్ని విషయాలు మాట్లాడతా: సీఎం చంద్రబాబు
మదురోను బంధించడం ద్వారా అమెరికా తన నిర్ణయాన్ని (Venezuela Maduro arrest) సమర్థించుకుంటూ ట్రంప్ మాట్లాడారు. అవసరమైతే ఇతర దేశాలపైనా జోక్యం చేసుకునే అవకాశం ఉందని సూచించారు. గ్రీన్లాండ్ విషయంలో అమెరికాకు అవసరం ఉందని వ్యాఖ్యానించడంతో పాటు, క్యూబా త్వరలో కూలిపోయే పరిస్థితిలో ఉందని కూడా అన్నారు. వెనెజువెలా నుంచి సబ్సిడీ చమురు లేకుండా హవానా ఎక్కువకాలం నిలబడలేదని ఆయన అభిప్రాయపడ్డారు.
వెనెజువెలా రక్షణ మంత్రి వ్లాదిమిర్ పడ్రినో లోపెజ్ అమెరికా చర్యలు ప్రపంచ శాంతికి తీవ్రమైన ముప్పు అని హెచ్చరించారు. ఈ రోజు వెనెజువెలాపై జరిగిన దాడి రేపు ఏ దేశంపైనా జరిగే అవకాశం ఉందని చెప్పారు. ప్రజలు భయాందోళనకు గురికాకుండా శాంతియుతంగా ఉండాలని, తమ రోజువారీ కార్యకలాపాలను కొనసాగించాలని ఆయన పిలుపునిచ్చారు. మదురోను, ఆయన భార్యను వెంటనే విడుదల చేయాలని డిమాండ్ చేశారు.
మధ్యరాత్రి ఆపరేషన్ అనంతరం మదురోను న్యూయార్క్ సమీపంలోని విమానాశ్రయానికి తరలించారు. ఈ ఘటనను వెనెజువెలా ప్రభుత్వం సామ్రాజ్యవాద చర్యగా అభివర్ణించింది. నార్కో టెర్రరిజం కుట్ర ఆరోపణలపై మదురో దంపతులు అమెరికాలో విచారణను ఎదుర్కొంటున్నారు. కాంగ్రెస్ అనుమతి లేకుండానే ఈ ఆపరేషన్ జరగడం అంతర్జాతీయ చట్టాలకు విరుద్ధమని న్యాయ నిపుణులు ప్రశ్నిస్తున్నారు.
Read hindi news:hindi.vaartha.com
Epaper: epaper.vaartha.com
Read also:
