తమిళ స్టార్ హీరో సూర్య వెండితెరపైనే కాకుండా నిజజీవితంలోనూ తాను నిజమైన హీరోనని నిరూపించుకున్నారు. తన అభిమానుల పట్ల తనకు ఎంతటి ప్రేమ ఉందో మరోసారి చాటిచెప్పారు. (Suriya) తాజాగా ఓ అభిమాని వివాహ వేడుకకు సడన్గా హాజరై అందరినీ ఆశ్చర్యానికి గురిచేశారు. దీనికి సంబంధించిన దృశ్యాలు ప్రస్తుతం నెట్టింట హల్ చల్ చేస్తున్నాయి.
Read Also: Kalankaval: ఓటీటీలోకి వస్తున్న’కలంకావల్’
వధువు రియాక్షన్ సోషల్ మీడియాలో వైరల్
అరవింద్ అనే యువకుడు తన వివాహం సందర్భంగా భార్య కాజల్కు మర్చిపోలేని బహుమతి ఇవ్వాలని నిర్ణయించుకున్నాడు. (Suriya) కాజల్ కు హీరో సూర్య అంటే చాలా అభిమానం. ఆ ఇష్టాన్ని గౌరవిస్తూ, అరవింద్ తమ పెళ్లికి సూర్యను ఆహ్వానించారు. ఆహ్వానించినా విషయం వధువుకు తెలియదు. పెళ్లి(Wedding) జరుగుతున్న సమయంలో ఎటువంటి సమాచారం లేకుండా సూర్య వెడ్డింగ్ హాల్లోకి ప్రవేశించారు. తెలుపు రంగు వస్త్రాలు, కూలింగ్ గ్లాసెస్ ధరించి చాలా నిరాడంబరంగా ఆయన వేదిక దగ్గరకు వచ్చారు.
అకస్మాత్తుగా తన ఫేవరెట్ హీరోను కళ్లముందుకు రావడం చూసిన వధువు కాజల్ షాక్ అయ్యారు. అది నిజమా? కలనా? అని నమ్మలేక కాసేపు నోరెళ్లబెట్టి చూస్తూ ఉండిపోయారు. ఆ తర్వాత ఆనందంతో ఒక్కసారిగా ఎమోషనల్ అయ్యారు. సూర్య స్వయంగా వధూవరుల దగ్గరకు వెళ్లి, వారి చేతులు పట్టుకుని శుభాకాంక్షలు తెలిపి మనస్ఫూర్తిగా ఆశీర్వదించారు. సూర్యను చూసినప్పుడు వధువు ఇచ్చిన రియాక్షన్ ఇప్పుడు నెట్టింట వైరల్ అవుతోంది. అభిమాని కోరిక మేరకు పెళ్లికి వచ్చి సూర్య చేసిన పనిని నెటిజన్లు ప్రశంసిస్తున్నారు.
Read hindi news: hindi.vaartha.com
Epaper : epaper.vaartha.com
Read Also:
