సోషల్ మీడియాలో గుర్తింపు పొందాలనే ఆతృత ఇద్దరు ఇంటర్మీడియట్ విద్యార్థులను పెద్ద సమస్యలోకి నెట్టింది. ఇన్స్టాగ్రామ్ రీల్స్ చిత్రీకరణ కోసం వారు చేసిన నిర్లక్ష్య చర్య కేరళ రాష్ట్రంలో(Kerala Train Incident) కలకలం రేపింది. వారి పని కారణంగా ఏకంగా ఓ ఎక్స్ప్రెస్ రైలు నిలిచిపోవడం తీవ్ర చర్చకు దారి తీసింది.
Read Also: Mysore Explosion: అంబా విలాస్ ప్యాలెస్ సమీపంలో పేలుడు.. ఒకరు మృతి
పోలీసుల కథనం ప్రకారం, కన్నూర్ జిల్లా పరిధిలోని తలస్సేరి–మాహే మధ్య గురువారం ఉదయం ఈ ఘటన చోటుచేసుకుంది. ఎర్నాకుళం నుంచి పూణేకు వెళ్తున్న ఎక్స్ప్రెస్ రైలు ట్రాక్పై విద్యార్థులు రీల్స్ షూట్ చేస్తూ ఎర్రటి లైట్ వెలిగించారు. దాన్ని ప్రమాద సంకేతంగా భావించిన లోకో పైలట్ వెంటనే రైలును నిలిపివేశాడు.
ప్రమాద సంకేతంగా భావించి అప్రమత్తమైన లోకో పైలట్
రైలు ముందు అకస్మాత్తుగా ఎర్ర వెలుగు (Kerala Train Incident)కనిపించడంతో ప్రమాదం జరిగే అవకాశముందని అనుమానించిన లోకో పైలట్ భద్రత దృష్ట్యా రైలును ఆపినట్లు పోలీసులు తెలిపారు. అనంతరం ట్రాక్ సమీపంలో విద్యార్థులు వీడియో చిత్రీకరిస్తున్న విషయం వెలుగులోకి వచ్చింది.
ఈ ఘటనపై లోకో పైలట్ వెంటనే రైల్వే ప్రొటెక్షన్ ఫోర్స్ (RPF), రైల్వే పోలీసులకు సమాచారం అందించాడు. విచారణ అనంతరం ఇద్దరు ప్లస్ టూ విద్యార్థులను పోలీసులు అరెస్టు చేశారు. తరువాత వారిని బెయిల్పై విడుదల చేశారు.
వీడియో స్వాధీనం.. దర్యాప్తు కొనసాగింపు
విద్యార్థులు తీసిన రీల్ వీడియోను రైల్వే పోలీసులు స్వాధీనం చేసుకున్నారు. ఈ ఘటనపై మరింత విచారణ కొనసాగుతున్నట్లు అధికారులు తెలిపారు. సోషల్ మీడియా కోసం ప్రమాదకర చర్యలు ఎంతటి పరిణామాలకు దారితీయవచ్చో ఈ ఘటన ఉదాహరణగా మారింది.
Read hindi news: hindi.vaartha.com
Epaper : epaper.vaartha.com
Read Also:
