Nigeria kidnapped children freed : పశ్చిమ ఆఫ్రికా దేశమైన నైజీరియాలో కిడ్నాప్ అయిన 130 మంది కాథలిక్ స్కూల్ పిల్లలను సురక్షితంగా విడుదల చేసినట్లు అక్కడి ప్రభుత్వం వెల్లడించింది. నవంబర్లో నైజర్ రాష్ట్రంలోని సెయింట్ మేరీస్ కో-ఎడ్యుకేషనల్ బోర్డింగ్ స్కూల్ నుంచి ఆయుధధారులు విద్యార్థులను అపహరించిన సంగతి తెలిసిందే. ఈ ఘటనలో ఇప్పటికే 100 మంది పిల్లలు ఈ నెల ప్రారంభంలో విడుదలయ్యారు.
నైజీరియా అధ్యక్ష ప్రతినిధి సండే డేర్ ఎక్స్ (X) వేదికగా స్పందిస్తూ, “నైజర్ రాష్ట్రంలో అపహరించబడిన మరో 130 మంది విద్యార్థులు విడుదలయ్యారు. ఇక ఎవరూ బంధనంలో లేరు,” అని ప్రకటించారు. అయితే మొత్తం ఎంతమంది పిల్లలు అపహరణకు గురయ్యారన్న విషయంలో మొదటినుంచి స్పష్టత లేకపోయింది.
Read Also: IND-W vs SL-W: టాస్ గెలిచిన టీమిండియా
ఈ దాడి 2014లో బోకో హరామ్ ఉగ్రసంస్థ చిబోక్ పట్టణంలో స్కూల్ బాలికలను అపహరించిన ఘటనను గుర్తుకు తెచ్చిందని విశ్లేషకులు అంటున్నారు. నైజీరియాలో ఈశాన్య ప్రాంతాల్లో ఉగ్రవాద గ్రూపులు, వాయువ్య ప్రాంతాల్లో బందిట్ గ్యాంగులు చెలరేగడంతో భద్రతా పరిస్థితులు మరింత క్లిష్టంగా మారాయి.
Christian Association of Nigeria (CAN) ప్రకారం, (Nigeria kidnapped children freed) దాడి తర్వాత 315 మంది విద్యార్థులు, సిబ్బంది కనిపించకుండా పోయారని మొదట అంచనా వేశారు. వారిలో సుమారు 50 మంది వెంటనే తప్పించుకోగా, డిసెంబర్ 7న ప్రభుత్వం మరో 100 మందిని విడిపించింది. తాజా ప్రకటనతో మిగిలినవారందరూ విడుదలైనట్లుగా భావిస్తున్నారు. అయితే పూర్తి ధృవీకరణ ఇంకా జరగాల్సి ఉందని CAN ప్రతినిధులు తెలిపారు.
నైజీరియాలో డబ్బుల కోసం కిడ్నాప్లు సాధారణంగా మారిపోయాయని నిపుణులు చెబుతున్నారు. గత దశాబ్దంలో ఈ సమస్య ఒక వ్యవస్థీకృత నేర పరిశ్రమగా మారిందని నివేదికలు పేర్కొంటున్నాయి. తాజాగా వెలువడిన ఒక అధ్యయనం ప్రకారం, 2024 జూలై నుంచి 2025 జూన్ వరకు కిడ్నాప్ ర్యాన్సమ్ల ద్వారా సుమారు 1.66 మిలియన్ డాలర్లు సమకూరినట్లు అంచనా.
Read hindi news: hindi.vaartha.com
Epaper : epaper.vaartha.com
Read Also:
