Assam Train Accident: అస్సాం రాష్ట్రంలో తీవ్రమైన రైలు ప్రమాదం చోటుచేసుకుంది. హోజాయ్ జిల్లాలో తెల్లవారుజామున సైరంగ్–న్యూఢిల్లీ రాజధాని ఎక్స్ప్రెస్(Rajdhani Express) రైలు ఏనుగుల గుంపును ఢీకొట్టింది. ఈ ఘటనలో ఎనిమిది ఏనుగులు అక్కడికక్కడే ప్రాణాలు కోల్పోయాయి. అయితే ఒక ఏనుగు పిల్లను అటవీ శాఖ అధికారులు సురక్షితంగా రక్షించారు. ప్రమాద తీవ్రత వల్ల రైలు ఇంజన్తో పాటు ఐదు బోగీలు పట్టాలు తప్పినట్లు అధికారులు తెలిపారు.
Read also: AndhraPradesh Crime: వివాహేతర బంధం.. భర్తను చంపిన భార్య
తెల్లవారుజామున అస్సాంలో విషాదం..
శుక్రవారం తెల్లవారుజామున సుమారు 2.17 గంటల సమయంలో మిజోరాంలోని సైరంగ్ నుంచి న్యూఢిల్లీకి వెళ్తున్న రాజధాని ఎక్స్ప్రెస్ ఈ ప్రమాదానికి గురైంది. గువాహటి నగరానికి దాదాపు 126 కిలోమీటర్ల దూరంలో ఈ ఘటన జరిగింది. రైల్లో ప్రయాణిస్తున్న వారెవరూ గాయపడలేదని, అందరూ క్షేమంగా ఉన్నారని రైల్వే అధికారులు స్పష్టం చేశారు. సమాచారం అందగానే సహాయక బృందాలు ఘటన స్థలానికి చేరుకుని పునరుద్ధరణ చర్యలు చేపట్టాయి.
ప్రయాణికులు సురక్షితం..
రైలు పట్టాలపై ఏనుగుల మృతదేహాలు పడిపోవడంతో ఈ మార్గంలో రైళ్ల రాకపోకలు తీవ్రంగా నిలిచిపోయాయి. ఎగువ అస్సాం సహా ఇతర ఈశాన్య రాష్ట్రాలకు వెళ్లే రైలు సేవలపై ఈ ఘటన ప్రభావం చూపింది. ప్రమాదానికి గురైన రైలులోని ప్రయాణికులను అదే రైలులో ఖాళీగా ఉన్న బెర్తుల్లో తాత్కాలికంగా సర్దుబాటు చేశారు. గువాహటి చేరుకున్న తర్వాత అదనపు కోచ్లు జతచేసి రైలును తిరిగి న్యూఢిల్లీకి పంపుతామని అధికారులు వెల్లడించారు.
ఈ ప్రమాదం జరిగిన ప్రాంతం ఏనుగుల కారిడార్ కాదని అటవీ శాఖ స్పష్టం చేసింది. లోకో పైలట్ ముందుగానే ఏనుగుల గుంపును గమనించి ఎమర్జెన్సీ బ్రేకులు వేసినప్పటికీ, అవి అకస్మాత్తుగా రైలును ఢీకొట్టడంతో ఈ దుర్ఘటన చోటుచేసుకున్నట్లు సమాచారం.
Read hindi news: hindi.vaartha.com
Epaper: epaper.vaartha.com
Read Also:
