AP: ఈరోజు నుంచి రాష్ట్రవ్యాప్తంగా ‘ముస్తాబు’ అమలు

ఆంధ్రప్రదేశ్ (AP) రాష్ట్రంలోపాఠశాల, జూనియర్ కళాశాలల పిల్లలకు పరిశుభ్రత అలవాట్లు నేర్పించేందుకు ప్రభుత్వం ‘ముస్తాబు’ కార్యక్రమాన్ని రాష్ట్రవ్యాప్తంగా అమలు చేయనుంది. ఈ కార్యక్రమం శనివారం నుంచి అధికారికంగా ప్రారంభమవుతుందని విద్యాశాఖ వర్గాలు వెల్లడించాయి.చిన్న వయసులోనే శుభ్రతపై అవగాహన కల్పిస్తే ఆరోగ్య సమస్యలు తగ్గడమే కాకుండా, విద్యార్థుల్లో క్రమశిక్షణ, ఆత్మవిశ్వాసం పెరుగుతాయని ప్రభుత్వం భావిస్తోంది.

జీవనశైలిలో పాటించాల్సిన పరిశుభ్రత అంశాలపై అవగాహన

విద్యార్థుల్లో వ్యక్తిగత శుభ్రత, మంచి అలవాట్లు, క్రమశిక్షణ పెంచే లక్ష్యంతో ఇప్పటికే పార్వతీపురం మన్యం జిల్లాల్లో ఈ కార్యక్రమాన్ని అమలు చేస్తున్నారు. ఇక్కడ సత్ఫలితాలు రావడంతో సీఎం చంద్రబాబు ఆదేశాల మేరకు రాష్ట్రవ్యాప్తంగా శ్రీకారం చుట్టారు. ఈ కార్యక్రమం ద్వారా విద్యార్థులకు రోజువారీ జీవనశైలిలో పాటించాల్సిన పరిశుభ్రత అంశాలపై అవగాహన కల్పిస్తారు.