Arnold Schwarzenegger : హాలీవుడ్ యాక్షన్–సైన్స్ ఫిక్షన్ ఫ్రాంచైజీ ‘టెర్మినేటర్’ అభిమానులకు దర్శకుడు జేమ్స్ కామెరాన్ షాకింగ్ అప్డేట్ ఇచ్చారు. ఈ సిరీస్లో రాబోయే తదుపరి చిత్రంలో ఐకానిక్ హీరో ఆర్నాల్డ్ ష్క్వార్జ్నెగ్గర్ కనిపించబోరని ఆయన స్పష్టం చేశారు. ఇకపై కొత్త తరం పాత్రలతో ఈ కథను ముందుకు తీసుకెళ్లాల్సిన సమయం వచ్చిందని కామెరాన్ అభిప్రాయపడ్డారు.
హాలీవుడ్ రిపోర్టర్కు ఇచ్చిన ఇంటర్వ్యూలో కామెరాన్ మాట్లాడుతూ, “‘టెర్మినేటర్: డార్క్ ఫేట్’ చిత్రంతో T-800 పాత్రకు గొప్ప ముగింపు ఇచ్చాం. ఆర్నాల్డ్ పాత్రను మరింత కొనసాగించాల్సిన అవసరం లేదని భావిస్తున్నాను. ఇకపై కొత్త పాత్రలు, కొత్త ఆలోచనలతో కథను విస్తరించాలనుకుంటున్నాను” అని తెలిపారు.
Read Also: AP Weather: ఏపీలో 3.8 డిగ్రీల కనిష్ట ఉష్ణోగ్రత నమోదు
1984లో విడుదలైన మొదటి ‘టెర్మినేటర్’ నుంచి ఆర్నాల్డ్ ష్క్వార్జ్నెగ్గర్ ఈ ఫ్రాంచైజీకి ప్రతీకగా నిలిచారు. అయితే కాలిఫోర్నియా గవర్నర్గా (Arnold Schwarzenegger) ఉన్న సమయంలో 2009లో వచ్చిన ‘టెర్మినేటర్: సాల్వేషన్’ చిత్రంలో ఆయన నటించలేదు. ఇప్పుడు మరోసారి ఆయన లేకుండానే ఈ సిరీస్ కొనసాగనుంది.
ప్రస్తుతం తాను ‘అవతార్’ సిరీస్ పనుల్లో పూర్తిగా నిమగ్నమై ఉన్నానని, ఆ సినిమాలు పూర్తయ్యాక ‘టెర్మినేటర్’ స్క్రిప్ట్పై పూర్తి స్థాయిలో దృష్టి పెడతానని కామెరాన్ వెల్లడించారు. ‘అవతార్: ఫైర్ అండ్ యాష్’ చిత్రం డిసెంబర్ 19న ప్రేక్షకుల ముందుకు రానుంది.
Read hindi news: hindi.vaartha.com
Epaper : epaper.vaartha.com
Read Also:
