దేశ విభజన తర్వాత పాకిస్థాన్లో ఒక విశేషమైన విద్యా పరిణామం చోటుచేసుకుంది. తొలిసారిగా అక్కడి విశ్వవిద్యాలయాల్లో సంస్కృత భాష బోధన ప్రారంభమైంది. దక్షిణాసియా సాంస్కృతిక వారసత్వాన్ని అధ్యయనం చేసే దిశగా ఇది కీలక అడుగుగా భావిస్తున్నారు.
Read Also: Iran: నోబెల్ విజేత నర్గెస్ మొహమ్మది అరెస్టు
లాహోర్లో సంస్కృతంపై ఫోర్-క్రెడిట్ కోర్సు
లాహోర్ యూనివర్సిటీ (Lahore University)ఆఫ్ మేనేజ్మెంట్ సైన్సెస్ (LUMS)లో సంస్కృత భాషకు సంబంధించిన నాలుగు క్రెడిట్ల కోర్సును తాజాగా ప్రారంభించారు. గతంలో నిర్వహించిన మూడు నెలల వీకెండ్ వర్క్షాప్కు విద్యార్థులు, పండితుల నుంచి వచ్చిన విశేష స్పందనతో ఈ కోర్సును అధికారికంగా ప్రవేశపెట్టారు. ఇందులో భాగంగా మహాభారతం, భగవద్గీతలోని శ్లోకాలను అధ్యయనం చేయనున్నారు.
ఈ కోర్సులో విద్యార్థులు దూరదర్శన్లో(Lahore University) ప్రసారమైన ‘మహాభారత్’ సీరియల్ ప్రసిద్ధ గీతం “హై కథా సంగ్రామ్ కీ”కి ఉర్దూ అనువాదాన్ని కూడా నేర్చుకుంటారు. ఉర్దూ భాషపై సంస్కృత ప్రభావాన్ని తెలుసుకోవడం ద్వారా భాషల మధ్య ఉన్న అనుబంధాన్ని విద్యార్థులు అవగాహన చేసుకుంటున్నారని ప్రొఫెసర్లు తెలిపారు.
ఫోర్మన్ క్రిస్టియన్ కాలేజీకి చెందిన ప్రొఫెసర్ షాహిద్ రషీద్ నేతృత్వంలో ఈ సంస్కృత అధ్యయనం ముందుకు సాగుతోంది. సంస్కృతం ఒక మతపరమైన భాష కాదని, దక్షిణాసియా మొత్తాన్ని కలిపే సాంస్కృతిక భాష అని ఆయన స్పష్టం చేశారు. పాణిని వంటి మహానుభావుడు గాంధార ప్రాంతానికి చెందినవాడని, ఆయన నివసించిన ప్రాంతం నేటి ఖైబర్ పఖ్తున్ఖ్వాలో ఉందని గుర్తుచేశారు.
నిర్లక్ష్యానికి గురైన సంస్కృత గ్రంథాలయంపై దృష్టి
పంజాబ్ యూనివర్సిటీ లైబ్రరీలో అపురూపమైన సంస్కృత తాళపత్ర గ్రంథాలు ఉన్నాయని గుర్మానీ సెంటర్ డైరెక్టర్ డా. అలీ ఉస్మాన్ ఖాస్మీ తెలిపారు. 1930లలో జేసీఆర్ వూల్నర్ వీటిని కేటలాగ్ చేసినప్పటికీ, 1947 తర్వాత స్థానిక పండితులు పెద్దగా పరిశోధన చేయలేదన్నారు. ఇకపై స్థానిక స్కాలర్లకు శిక్షణ ఇస్తే పరిస్థితి మారుతుందని ఆశాభావం వ్యక్తం చేశారు.
రాబోయే 10–15 సంవత్సరాల్లో పాకిస్థాన్ నుంచే భగవద్గీత, మహాభారతంపై నిపుణులైన పండితులు వెలువడతారని ప్రొఫెసర్లు అంచనా వేస్తున్నారు. సంస్కృతం ఒక సాంస్కృతిక వారసత్వంగా భావించి దానిని స్వీకరించాల్సిన అవసరం ఉందని వారు అభిప్రాయపడ్డారు.
Read hindi news: hindi.vaartha.com
Epaper : epaper.vaartha.com
Read also :
